पोखरा । पोखराका बुद्ध धर्मप्रति आस्था राख्ने संघ, संस्था, गुम्बा, विहारहरुले सामुहिक रुपमा २५६८ औं बुद्ध जयन्ती मनाएका छन् ।
२५६८ औं बुद्ध जयन्ती मूल आयोजक समितिको आयोजनामा शान्ति पदयात्रा र सम्मानसहित विविध कार्यक्रम गरिएको थियो । धर्मशिला बुद्ध बिहारबाट सुरु गरिएको शान्ती ¥याली पालिखेचोक, चिप्लेढुंगा, सिद्धार्थचोक, बगालेटोल, सिमलचौर, सिर्जनाचोक, सभागृहचोक हुँदै सभागृहहलमा पुगेर मुल समारोहमा परिणत भएको थियो ।
सोही समारोहमा बुद्ध धर्मको प्रचारप्रसार र सम्वद्र्धनमा योगदान पु¥याउने छिरिङ सेटेनलाई सम्मान गरिएको थियो । तिब्बतीयन क्याम्प, पृथ्वीचोकका प्रमुख सेटेनलाई लामा रिन्पोछे रिन्चेन साङ्पो र समितिका अध्यक्ष क्या. चन्द्रबहादुर गुरुङले सम्मान पत्रसहित दोसल्ला, मालाले सम्मान गरेका हुन् । सिटेनले लामो समयदेखि क्याम्पमा बसेर विद्यार्थीहरुलाई बुद्ध शिक्षाको ज्ञान दिनेका गर्दै आएकाले सम्मान गरिएको आयोजकले जानकारी दिएको छ । यो सम्मानबाट विगतमा अहिलेसम्म २२ जना सम्मानित भइसकेका छन् ।
सभागृहमा ज्ञानमाला भजन, साँस्कृतिक कार्यक्रम, नाटक प्रदर्शनलयायत विभिन्न कार्यक्रम गरिएको समितिकी महासचिव बालकुमारी गुरुङले जानकारी दिइन् । बिहान पूजा संकलन, शिल प्रथाना, बुद्ध पूजा, दीप प्रज्वलन, भैषज्य पूजा पनि गरिने गरिएको उनले बताइन् ।
कार्यक्रममा लामा रिन्पोछे रिन्चेन साङ्पोले धर्मदेशना प्रवचन दिएका थिए । भने, वैशाख पूर्णिमा २०८१ (२५६८ औं बुद्धजयन्ती कास्की, पोखरा) स्मारिकाको विमोचन पनि गरिएको थियो ।
समितिले सप्ताहव्यापी कार्यक्रम गर्दै आएको थियो । जेठ ३ गतेदेखि नै विभिन्न कार्यक्रम गरी बिहीबार समापन गरिएको समितिका अध्यक्ष क्या. गुरुङले बताए । जेठ ३ गतेदेखि नै विभिन्न कार्यक्रम गरिरहेको थियो । पहिलो पदिन शुभारम्भ र साईकल ¥याली गरिएको समितिका अध्यक्ष गुरुङले जानकारी दिए । कनिङ घेछेलिङ गुम्बा दीपबाट सुरु भएको साईकल ¥याली विश्व शान्ती स्तुपा अनदुमा पुगेर समापन भएको थियो । दोस्रो दिन जेठ ४ गते बेगनास तालमा माछाको भुरा छाडेर प्राणदान, नेपाल मगर संघमा धर्म देशना र सूखावती बौद्ध गुम्बा गाइघाटमा बुद्ध पुजा र धर्म देशना गरियो ।
जेठ ५ गते टुटुंगाको आरोग्य आश्रममा भोजन दान, निशुल्क स्वास्थ्य शिविर, वृद्धाश्रममा भोजन, गणचक्र पूजा, ध्यान शिविर भएको थियो । जेठ ६ गते पनि प्राण दान, गणचक्र पुजा र आर्थिक सहयोग गरियो ।
जेठ ७ गते भिक्षु शूभद्र स्मृति सभा, रक्तदान, धर्मदेशना कार्यक्रम भएको थियो । ८ जेठमा बौद्ध आचार्य खेम्पो शिर लामाबाट धर्मदेशना, खाद्यन्न र लत्ताकपडा सहयोग र सरसफाईसँगै वृक्षरोपण कार्यक्रम भयो । ९ गते प्रभातफेरी, रथ सजावत, सरसफाई, प्राणदान र खेम्पो लामा फोन्छोकबाट धर्मदेशनाको कार्यक्रम सकिएको थियो ।
Related News
सम्बन्धित समाचार
गण्डकीको बजेट ३३ अर्ब
एमाले अन्नपूर्णमा चूडामणि
एनटिभिएको रक्तदान
अनुपम म्युजिकद्वारा १० हजारभन्दा बढीलाई तालिम
प्रदेशस्तरीय टि–२० क्रिकेट: कास्की र तनहुँ निरन्तर विजयी
hero news full width
मुख्य समाचार
गण्डकी सरकारको ३२ अर्ब ९७ करोड बराबरको बजेट सार्वजनिक
गण्डकीको बजेटमा ‘उचाइमा खेल, खेलमा उचाइ’
असार २, २०८१गण्डकी प्रदेश सरकारका यी हुन् बजेटका उद्देश्य र प्राथमिकता
असार २, २०८१गण्डकीको आगामी आवको बजेट प्रस्तुत सुरु
असार २, २०८१पत्रकार महासंघ कास्कीमा फेरि किन भयो तालाबन्दी ?
असार २, २०८१नेपाल दक्षिण अफ्रिकाविरुद्ध जित नजिक पुगेर पराजित, एक रनको हार
असार २, २०८१