पोखरा । जिल्ला प्रहरी कार्यालय, कास्कीले जबर्जस्ती करणी मुद्दाका फरार प्रतिवादी पक्राउ गरेको छ । पक्राउ पर्नेमा कास्कीको अन्नपूर्ण गाउँपालिका वडा ३, धारापानीका ३७ वर्षीय विपीन भन्ने केशव सुनार हुन् । उनलाई जिल्ला प्रहरी कार्यालयबाट खटिएको प्रहरी टोलीले बिहीबार कास्कीको अन्नपूर्ण गाउँपालिका वडा १, नौडाँडाबाट पक्राउ गरेको हो ।

२०७९ माघ १० मा कास्की जिल्ला अदालतले उनलाई जबर्जस्ती करणी मुद्दामा ११ महिना ८ दिन कैद तथा १५ हजार जरिवाना सजाय सुनाएको थियो । तर, सजाय भुक्तान गर्न बाँकी रही उनी करिब १३ महिनासम्म फरार थिए ।
प्रहरीले आवश्यक कारबाही प्रक्रिया अगाडि बढाएको जनाएको छ ।