पोखरा । पोखरा महानगरपालिकाका मेयर धनराज आचार्यले न्याय निरुपणका हिसाबले पोखरा महानगरपालिकाको न्यायिक समिति उत्कृष्ट रहेको दाबी गरेका छन् ।

पोखरा महानगरपालिका न्यायिक समितिको आयोजनामा बुधबारदेखि सञ्चालित मेलमिलापकर्ताका लागि सञ्चालित पुुनर्ताजगी तालिम उद्घाटन गर्दै उक्त दाबी गरेका हुन् । उनले भने, ‘न्याय सम्पादन निरुपण गर्न दिएको काममा राम्रो कार्यसम्पादन गरेको स्थानीय तहका रुपमा स्थापित भएको छ । महानगरमा आउने क्षेत्राधिकारभित्रका विवाद र समस्यालाई न्यायिक समितिले निरुपण गरेका हकमा अदालतबाट पनि सुरु समितिकै निर्णय सदर भएका छन् । यसले गर्दा यहाँको न्यायिक समिति उत्कृष्ट ठहरिएको छ ।’

उनले न्यायिक समितिमा थुप्रै समस्या नआएका र त्यसका लागि वडा तहमा मेलमिलाप केन्द्र स्थापना गरिएको बताए ।

महानगर उपमेयर एवं न्यायिक समितिका संयोजक मञ्जुुदेवी गुुरुङले विवाद समाधानको उपयुक्त उपाय भएको बताए । ‘मेलमिलापले विवादका दुवै पक्षलाई जितको अवस्था सिर्जना गर्ने भएकाले मेलमिलापले समाजमा सद्भाव कायम हुने गर्दछ,’ उनले भनिन् । उनले न्यायिक समितिलाई उत्कृष्ट बनाउन मेलमिलापकर्ताको सहयोग र साथले सम्भव नभएको बताउँदै तालिमले विवाद समाधानमा सहयोग पुुग्ने विश्वास ब्यक्त गरिने ।

न्यायिक समिति सदस्य कालिदास पोखरेलले मेलमिलापकर्तालाई सहज हुने बताए । ३ सम्म चल्ने तालिममा पोखरा वडा १९ देखि ३३ सम्मका मेलमिलापकर्ताले भाग लिएका छन् ।