फिस्टेल एसइई कपमा फिस्टेल र भद्रकाली च्याम्पियन

आदर्श समाज सम्वाददाता
जेठ ९, २०८१
fishtail Basketball

पोखरा । फिस्टेल एकेडेमी मावि, बिरौटाद्वारा आयोजित ‘फिस्टेल एसइई कप २०८१’ मा छात्रा बास्केटबलतर्फ फिस्टेल एकेडेमी र सेभेन ए साइड फुटबलतर्फ भद्रकाली मावि च्याम्पियन बनेका छन् ।

बुधबार बास्केटबल फाइनलमा फिस्टेलले कुमुदिनी होम्सलाई पराजित गरी च्याम्पियन बनेको हो । विजेता फिस्टेलले १० हजार हात पारेको छ । उपविजेताले ५ हजार साथमा मेडल, ट्रफी र प्रमाणपत्र पायो ।

फुटबलतर्फ शान्ति निकुञ्जलाई २–१ गोलले पराजित गर्दै भद्रकाली मावि च्याम्पियन बन्यो । विजेता भद्रकालीले नगद १५ हजार र उपविजेताले १० हजारसहित मेडल, ट्रफी र प्रमाणपत्र प्राप्त गरे ।

यसअघि फुटबलतर्फ पहिलो सेमिफाइनलमा शान्ति निकुञ्जले कालिका माविलाई २–१ ले पराजित गरी फाइनलको यात्रा तय गरेको थियो । भद्रकालीले मदरल्यान्ड माविलाई ७–० ले पराजित गर्दै उपाधि नजिक पुगेको हो ।

बास्केटबलतर्फ सेमिफाइनलमा फिस्टेल एकेडेमीले हिलप्वाइन्टलाई र कुमुदिनीले बालकल्याणलाई पराजित गर्दै फाइनलको यात्रा गरेका थिए । प्रतियोगितामा एसइई–२०८० मा सम्मिलित विद्यार्थीले भाग लिएका थिए ।

विजेता र उपविजेतालाई पोखरा १७ का वडाध्यक्ष राधिकाकुमारी शाही, विद्यालयका प्रबन्ध निर्देशक एलिस रानाभाट, घारीकुलो टोल विकास समिति अध्यक्ष गोविन्द गिरी र तल्लो बिरौटा टोल विकास समिति अध्यक्ष फसैबहादुर कुँवरले संयुक्त रूपमा नगद, प्रमाणपत्र, ट्रफी र मेडल प्रदान गरेका हुन् ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…

hero news full width