पोखरा । पोखरा महानगर व्यवसाय प्रवद्र्धन केन्द्रद्वारा आयोजित पोखरा आइडिया मार्ट २०८१ तथा बुट क्याम्पमा सहभागीमध्ये अन्तिम प्रतिस्पर्धाका लागि १० समूह छनोट भए । जसमा डिभाइन डिस, इभालय टेक, ग्रिनोभेसन, निटी, आवर सिटी इज जिरो वेस्ट, रेन्टल, टीम

स्वीफ्ट वे, थिन क्लाइन्ट, ट्रेक गाइड कनेक्ट र ट्रफअपसाइकल हुन् । केन्द्रले गत ६ देखि ८ जेठसम्म पोखरा आइडिया मार्ट तथा बुट क्याम्प गरेको केन्द्रका प्रमुख कार्यकारी अधिकृत नवराज अधिकारीले बताए ।

निर्णायकमा पोखरा विश्वविद्यालयका बलराम भट्टराई, पोखरा महानगरपालिका नगर योजना आयोगका डा. होमनाथ गैरे, आइटी एक्सपर्ट सशीसा बराल र एनएमबी बैंकका प्रोभिन्स म्यानेजर सुदीप पौडेल थिए । आइडिया मार्टमा ३५ समूहले आवेदन प्रस्तुत गरेका थिए ।

अन्तिम प्रतिस्पर्धा मार्फत प्रथमले ५० हजार, दोस्रोले ४० हजार, तेस्रोेले ३० हजार र सान्त्वना हुनेले २० हजार प्राप्त गर्नेछन् । अन्तिम प्रतिस्पर्धा २० जेठमा हुनेछ ।