पोखरा २७ पूर्ण खोप वडा

आदर्श समाज सम्वाददाता
जेठ १, २०८१
Purna khop woda 27

लेखनाथ । पोखरा २७ लाई पूर्ण खोप वडा घोषणा गरिएको छ । आइतबार एक कार्यक्रमबीच सबै बालबालिकालाई पूर्ण खोपका मात्र प्रदान गरिएको तथ्यांक प्रस्तुत गरी पूर्ण खोपको प्रमाणपत्र प्रदान गरिएको हो ।

वडाले चालु आवको १५ महिनासम्म १ सय ५१ र १६ महिनादेखि ५९ महिनाभित्रका ४ सय ३६ जना बालबालिकाका लागि आवश्यक १३ प्रकारका खोपको मात्र पूरा गरेकाले पूर्ण खोप सुनिश्चितता वडा घोषणा गरिएको हो ।

कार्यक्रममा पोखरा महानगरपालिका स्वास्थ्य महाशाखका स्वाथ्य अधिकृत हरिलाल आचार्यले वडाध्यक्ष पूर्णकुमार गुरुङलाई पूर्ण खोप सुनिश्चिताको प्रमाणपत्र प्रदान गर्दै आगामी दिनमा सबै बालबालिकाको स्वास्थ्यलाई ख्यालमा राख्दै रोग लाग्नुपूर्व नै होशियारी अपनाउन पनि आग्रह गरे ।

राष्ट्रिय खोप अभियान सफल पार्न स्वाथ्यकर्मीदेखि स्वयंसेविकाले गरेको योगदानको उच्च कदर गर्दै सरकारले वैशाख महिनालाई खोप महिनाको रुपमा मनाउँदै आएको र समयमा नै सबै बालबालिकालाई अनिवार्य रुपमा खोप प्रदान गर्नका लागि स्वाथ्य अधिकृत आचार्यले अनुरोध गरेका थिए ।

वडाध्यक्ष पूर्णकुमार गुरुङले बालबालिकाको मृत्युदर कम गर्न र भोलिका बच्चालाई कसरी निरोगी बनाउन सकिन्छ भन्नेबारे वडा चिन्तनशील भएकाले यसमा सबैको साथ र सहयोगको आवश्यकता रहेको बताएका थिए । कार्यक्रममा स्वाथ्यचौकीकी प्रमुख रीता बास्तोला र स्वाथ्यकर्मी सविना बस्ताकोटीले बच्चादेखि आमाको स्वास्थ्यसमेत ख्यालमा राख्दै स्वास्थ्य परामर्श र घरघरमा पुगेर समयमा नै खोप लगाउन आफूहरु सफल भएको बताए ।

Related News

सम्बन्धित समाचार

hero news full width

trending post

ट्रेन्डिङ्ग