पोखरा । हेमजा उद्योग व्यवसायी समितिको आयोजना र युआरएल प्राविधिक सहयोगमा शनिबार हेमजामा स्वास्थ्य शिविर भएको छ । शिविरमा २ सय २५ जनाको मधुमेह तथा रगतमा हुने खराब बोसो (टिजी) सित्तैमा जाँच गरिएको छ ।
कार्यक्रममा वरिष्ठ फिजिसियन डा. कृष्णराज अधिकारीले मधुमेह, टिजी, थाइराइड जस्ता समस्यालाई वेवास्ता गर्दा नेपालीले पछि ठूलो सास्ती र आर्थिक क्षति व्यहोर्नुपरेको बताए । उनले सम्भव भएसम्म वर्षमा एक पटक नियमित स्वास्थ्य जाँच गर्न र समस्या देखिएमा विशेषज्ञको सल्लाहमा उपचार गर्न सुझाव दिए । ‘ठूलो समस्या नभई स्वास्थ्य संस्था नजाने र समस्या भएपछि पनि औषधी नखाने, खानपानमा हेलचेक्र्याइ गर्ने प्रवृत्तिसमेत देखिएको छ,’ डा. अधिकारीले भने, ‘यस्तो बेबास्ताले रोगी र परिवारका सदस्यलाई दुख त थप्छ नै, कहिलेकाँही ज्यानैसमेत जाने खतरा हुन्छ ।’
युआरएल अध्यक्ष ठाकुरप्रसाद पन्तले युआरएलले अहिलेसम्म विभिन्न संघ, संस्थासँग समन्वय गरी हेमजामा चौथो पटक र पोखरासहित गण्डकी प्रदेशमा १ सय ६९ पटक शिविर गरिसकेको जनाए । शिविरबाट केही सेवा सित्तैमा दिइनेमात्र नभई यसको विशेष अर्थ भएको उनी बताउँछन् । उनले चाँडै पोखरा २५ र आसपासका बासिन्दालाई मध्यनजर गरी युआरएलले त्यहाँ शाखा खोल्ने लागेकोसमेत जनाए । युआरएल गण्डकी प्रदेशकै पहिलो र एकमात्र आइएसओ प्राप्त रेफरेन्स ल्याब हो ।
हेमजा उद्योग व्यवसायी समिति अध्यक्ष मीनराज तिमिल्सिनाको अध्यक्षतामा भएको कार्यक्रममा वडा सदस्य कृष्णबहादुर कुवँर, समिति उपाध्यक्ष सुशील बास्तोला, नेपाल रेडक्रसका सोसाइटी पोखरा २५ उपशाखाका पूर्वसभापति कृष्णप्रसाद पौडेल, हेमजा स्वास्थ्य चौकीका इन्चार्ज कुश्मेश्वर सुवेदी लगायत बोलेका थिए ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१