पोखरा । जलारी समुदायबारे निर्माण भएको वृत्तचित्र सार्वजनिक गरिएको छ । गण्डकी प्रज्ञा प्रतिष्ठानले निर्माण गरेको वृत्तचित्र मंगलबार सार्वजनिक गरेको हो ।
वृत्तचित्र सार्वजनिक गर्दै गण्डकी प्रदेश सामाजिक विकास तथा स्वास्थ्य मन्त्रालयका सचिव प्रकाश पौडेलले जलारी समुदायलाई सूचीकृत गर्नुपर्नेमा जोड दिँदै त्यसका लागि ठोस पहल गर्नुपर्ने बताए । उनले माछा मार्नेको संख्या दिनप्रतिदिन बढ्दै जानु तथा स्थानीय माछाका जातहरू हराउँदै जानाले जलारी समुदायको पेसा क्रमश संकटतर्फ धकेलिँदै गइरहेको औंल्याए ।
उपसचिव भोजराज न्यौपानेले जलारी समुदायका मागप्रति मन्त्रालयको ध्यानाकर्षण भएको उल्लेख गर्दै माग सम्बोधन गर्न प्रयास गर्ने बताए । प्रतिष्ठानका कुलपति सूर्य खड्का बिखर्चीले भाषा, साहित्य, कला अनि संस्कृतिलाई माया गर्नुपर्ने बताए । उनले ती क्षेत्रमा हाल विकृति आइरहेको भन्दै शुद्धता ल्याउन सामूहिक प्रयासको खाँचो औंल्याए । उनले प्रतिष्ठानले सर्जकको स्वास्थ्य बिमा गरेको जनाउँदै अब प्रतिभा कोषको आवश्यकता औंल्याए ।
वृतचित्रका निर्देशक भोजबहादुर गुरुङले हालसम्म पनि जलारी समुदाय सूचीकृत हुन नसकेकोमा दुख व्यक्त गर्दै सो समुदायमा दुखसुखलाई पुस्तान्तारण गर्नुपर्ने धारणा राखे । जलारी समुदायले अन्य समुदायले जस्तै राज्यबाट सेवा सुविधा पनि पाउनुपर्ने उनको भनाइ छ ।
कार्यक्रममा मत्स्य व्यवसायी समितिका अध्यक्ष राजेन्द्र जलारी, जलारी समाज कास्कीका अध्यक्ष झलक जलारीलगायतले पनि धारणा राखे । त्यस अवसरमा प्रतिष्ठानद्वारा निर्माण गरिएको टेबल पात्रो विमोचन गरियो ।
कुलपति बिखर्चीको अध्यक्षतामा भएको उक्त कार्यक्रममा उपकुलपति गोरे गुरुङले स्वागत तथा सदस्य सचिव मनकुमार श्रेष्ठले कार्यक्रम सञ्चालन गरे । करिब आधा घन्टाको उक्त वृत्तचित्रमा जलारी समुदायका दैनिकी एवं दुखसुख समेटिएको छ ।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१