आदर्श समाज राष्ट्रिय दैनिक आजबाट २९ वर्षमा प्रवेश गरेको छ । यस सुखद अवसरमा आदर्श समाज बहुमुखी प्रकाशन प्रालिका तर्फबाट पाठक, बिक्रेता, विज्ञापनदाता, विज्ञापन एजेन्सी, यस कम्पनीका सम्पूर्ण कर्मचारी, शुभेच्छुक संघसंस्था एवं सम्पूर्ण महानुभावलाई हार्दिक शुभकामना व्यक्त गर्दछु । २०५३ वैशाख १ मा आदर्श समाज पाक्षिक पत्रिकाको पहिलो अंक प्रकाशित भएको थियो । त्यसको १ वर्षपछि साप्ताहिक र २०५४ माघ १९ श्रीपञ्चमीदेखि दैनिकरुपमा आदर्श समाज निरन्तर प्रकाशन हुँदै आएको छ ।
झण्डै ३ दशक अवधि पार गरिरहँदा आदर्श समाज विविधखाले राजनीतिक, सामाजिक, आर्थिक परिवर्तनको साक्षी बनेको छ । बहुदल पुनस्र्थापनापछि राजनीतिक स्थिरताको कामना गरिरहेका बेला २०५२ फागुन १ बाट मुलुकमा सशस्त्र द्वन्द्व सुरु भयो । त्यसले नेपाली राजनीतिमात्र होइन, सामाजिक र आर्थिक गतिविधिमा समेत असर पा¥यो । त्यहि द्वन्द्वकै भुंग्रोबीच हामीले तत्कालीन पश्चिमाञ्चल विकास क्षेत्रको केन्द्र पोखरामा व्यावसायिक पत्रकारिता यात्रा थाल्यौं ।
राजनीतिक र प्रशासनिक परिवर्तन भइरहँदा पोखरा जहिल्यै केन्द्र बन्यो । अहिले त पर्यटनको राजधानी पनि घोषित भइसक्यो । विडम्बना, यहाँको आर्थिक गतिविधि अपेक्षा गरेजस्तो फैलिन सकेको छैन । अझ भनौं उद्यमशीलतामा पोखरा अलि पछि नै परेको छ । अनि प्रविधि र सामाजिक सञ्जालको बढ्दो प्रयोगले छापा माध्यमलाई किनारामा धकेलिदिएको छ । त्यसको मारमा हामीजस्ता दैनिक पत्रिका पनि परेकै छन् । हालसम्मको यात्रामा विभिन्नखाले चुनौती सामना गर्दै आगामी पत्रकारिताको आदर्श मान्यतालाई आत्मसात गर्दै समाचार, विश्लेषणका साथमा सूचना प्रवाहमा निरन्तर लागिरहेका छौं । हामी अविचलित र अविराम यात्रामा छौं । पत्रिका स्थापनाकालमै गरेको निष्पक्षताको प्रतिबद्धतामा कत्ति पनि कमी आउन दिएका छैनौं ।
सम्भावनाकै खोजी क्रममा हामीले २०५८ माघ १७ बाट नवलपरासीको गैंडाकोटबाट ‘तराई संस्करण’ प्रकाशन थालेका थियौं । परिस्थिति जटिल बन्दै गएपछि त्यतिबेला हामी पोखरा फर्किन बाध्य भयौं । गण्डकी प्रदेशको कान्छो र प्रस्टरुपमा नाम समेत नपाएको नवलपुरको गैंडाकोटसँगको सम्बन्धलाई भने हामीले टुट्न दिएका छैनौं । अहिले पुन गैंडाकोटमा कार्यालय स्थापना गरी यस क्षेत्रका समाचार, विचार र सूचनालाई प्राथमिकतामा राखेका छौं । गण्डकी प्रदेशको राजधानीसँग नवलपुरलाई जोड्ने दह्रिलो सेतू बन्न चाहान्छौं हामी ।
अहिले मुलुकमा संघीयता कार्यान्वयनमा आएको छ । संघीयताको सबलीकरणसँगै आमसञ्चार माध्यम पनि उसैगरी बलिया हुँदै जान्छन् भन्ने विश्वासमा हामी थियौं । तर त्यसो हुन सकेको छैन । एकातिर अनुदार र राज्यपक्ष त अर्काेतिर अस्थिर आर्थिक अवस्थासँग जुँध्दै सञ्चारमाध्यम अगाडि बढिरहेका छन् । यी यावत् चुनौतीबीच निष्पक्ष, स्वतन्त्र र व्यावसायिक पत्रकारिताबाट हामी कदापि विचलित हुने छैनौं । संघीयतालाई सुदृढ पार्दै लोकतान्त्रिक मूल्यमान्यताका लागि लडिरहने छौं । नव वर्ष २०८१ को हार्दिक मंगलमय शुभकामना ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१