पोखरा । नेपाल मगर संघ महानगर समिति आयोजनामा नयाँ वर्ष–२०८१ उपलक्ष्यमा शुभकामना आदानप्रदान कार्यक्रम भएको छ । सो अवसरमा संघद्वारा प्रकाशित भित्तेपात्रो विमोचन गरियो ।

नेपाल मगर संघ कास्की उपाध्यक्ष चन्द्रबहादुर पुर्जा मगरले भित्तेपात्रो विमोचन गरे । उनले महानगरपालिकाले गरेको उक्त कार्यप्रति सह्राहना गर्दै यसले मगर समुदायबीच व्यावसायिक समन्वय र प्रवद्र्धनमा सहयोग पुग्ने बताए ।

कास्कीका सचिव लालबहादुर राना मगरले मगरहरुले संस्कृति जगेर्नाको साथसाथै शिक्षा र व्यवसायमा पनि जोड दिनुपर्ने बताए । महानगर समितिका उपाध्यक्ष मुन्नु थापा मगर र सदस्य क्षेत्र राना मगरले पनि शुभकामना मन्तव्य राखे ।

भित्तेपात्रो प्रकाशनमा ५ हजारबाट माथि सहयोग गर्ने सहयोगदातालाई खादा र दोसल्लाले सम्मान गरिएको थियो । संघ अध्यक्ष ओम श्रीस मगरको अध्यक्षतामा भएको कार्यक्रमको सञ्चालन सचिव केशबहादुर थापा मगरले गरेका थिए ।