पोखरा। पोखरा महानगरपालिकाका सवइन्जिनियर उषाकिरण रोकाया अख्तियारको फन्दामा परेकी छन् । उनलाई पोखरा ५, मालेपाटनबाट अख्तियारले बुधबार राति १ लाख ५० हजार घूस सहित पक्राउ गरेको हो ।

अख्तियारले गोदार इन्जिनियरिङ कन्सल्टेन्सी सेवाका सुरज कुँवरलाई पनि पक्राउ गरेको छ । कुँवर भने पोखराको महेन्द्रपुलबाट पक्राउ परेका हुन् । उनीहरुले सेवाग्राहीको घर निर्माण सम्पन्न प्रमाणपत्र दिलाउने प्रयोजनार्थ घूस लिएको अभियोग छ ।

अख्तियार दुरुपयोग अनुसन्धान आयोग पोखराका प्रमुख आस्मान तामाङले उक्त रकमसहित पक्राउ गरिएको र कारबाही प्रक्रिया हुँदै गरेको जानकारी दिए ।