पोखरा । नेपाली कांग्रेस बागमती प्रदेश संसदीय दलका सचेतक गोविन्द लम्सालले पार्टी र संगठनमा सुधार आवश्यक रहेको बताएका छन् । कांग्रेसको शुभेच्छुक संस्था धादिङ–पोखरा सम्पर्क समितिद्वारा सोमबार आयोजित शुभकामना आदान–प्रदान कार्यक्रममा सचेतक लम्सालले कांग्रेस पार्टी कार्यकर्ता र जनताले अनुभूति हुने गरी सुधार गर्नुपर्नेमा जोड दिए ।
अस्थिर राजनीतिका कारण संघीयताप्रति विभिन्न टिकाटिप्पणी भइरहेको भन्दै उनले यसतर्फ दलहरूले ध्यान दिनुपर्ने बताए । रास्वपा र एमालेप्रति लक्षित गर्दै सचेतक लम्सालले मुलुकको समृद्धिका लागि २०८४ कुर्न नपर्ने टिप्पणी गरे ।
कास्की कांग्रेस सचिव भानु ढकालले पार्टीभित्र निष्ठाको राजनीति नहुँदा समस्या बढ्दै गइरहेको जिकिर गरे । उनले धादिङवासीको अभिभावक बन्न कास्की कांग्रेस तयार रहेको बताए ।
सचिव ढकालले कास्कीको राजनीतिसहित हरेक क्रियाकलापमा धादिङवासीको भूमिका निकै प्रशंसनीय रहेको स्पष्ट पारे । कांग्रेस पोखरा–६ का सभापति सन्तोष पौडेल पार्टीमा जागरण ल्याएर संघीय लोकतान्त्रिक गणतन्त्रलाई संस्थागत गर्न आवश्यक रहेको स्पष्ट पारे ।
समितिका वरिष्ठ सल्लाहकार पछिल्लो कृष्णकुमार श्रेष्ठले राजनीतिक घटनाक्रमप्रति सबै चिन्तित भएको बताए । संस्थापक सभापति केदार धमलाले संस्थापक बिपीले देखाएको बाटो कांग्रेसले बिर्सिंदै गएको बताए ।
निवर्तमान सभापति लालप्रसाद पाठकले कांग्रेसले निष्ठा र संस्कारको राजनीति गर्नुपर्नेमा जोड दिए ।
एमाले सम्पर्क मञ्चका अध्यक्ष गोकर्ण अधिकारीले संघीयता मन नपराउने शक्तिले टाउको उठाउन थालेकाले यस्ता तत्वलाई परास्त गर्न कांग्रेस, एमाले मिल्नुपर्ने खाँचो औंल्याए ।
सल्लाहकार यादुप्रसाद ढकालले पार्टी नेतृत्वलाई सही ढंगले अघि बढाउन तल्लो तहदेखि नै दवाव सिर्जना गर्नुपर्ने बताए । त्रिपुरा वाराही महिला समूहकी अध्यक्ष बबिता मल्लले शुभकामना व्यक्त गरिन् ।
समितिका कार्यवाहक सभापति एवं कार्यक्रम संयोजक माधव लम्सालको अध्यक्षतामा भएको कार्यक्रममा उपसभापति देवराज अर्यालले स्वागत र सचिव श्याम इटनीले सञ्चालन गरेका थिए ।
कार्यक्रममा विभिन्न संघसंस्थाका नेतृत्व र पदाधिकारीमा चुनिएका समिति उपसभापति देवराज अर्याल, कोषाध्यक्ष लालप्रसाद ढकाल, सहसचिव भूपेन्द्र सिलवाल, सदस्य तोयानाथ ढकाल र गोविन्द पोखरेललाई बधाई ज्ञापन गरिएको थियो ।
Related News
सम्बन्धित समाचार
लुम्बिनीकाे मुख्यमन्त्री सपथमा एमाले संसदीय दलका नेता नै अनुपस्थित
बागमतीको मुख्यमन्त्रीमा लामा नियुक्त
लुम्बिनीको मुख्यमन्त्रीमा चेतनारायण
सञ्चारमाध्यममा ३३ प्रतिशत पत्रकार महिलाको सहभागितामा जोड
ओलीलाई संसदमा दुईतिहाइको विश्वास
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१