लमजुङ । आठौं लमजुङ महोत्सवका साथमा लमजुङ भ्रमणवर्ष २०८१ सुरु भएको छ । महोत्सव राष्ट्रपति रामचन्द्र पौडेलले उद्घाटन गरे ।
राष्ट्रपति पौडेलले लमजुङले मुलुकको साहित्य कला संस्कृतिका साथै लोकतान्त्रिक आन्दोलनमा अग्रणी भूमिका खेलेको भन्दै प्रशंसा गरे । राष्ट्रपति पौडेलले छिमेकी जिल्ला तनहुँको बासिन्दा भएका कारण मेरा जीवनका ऊर्जाशील समयहरू तनहुँमा मात्रै होइन लमजुङमा समेत व्यतीत भएको स्मरण गरे ।
लमजुङ उद्योग वाणिज्य संघको आयोजनामा भएको ११ दिवसीय आठौं लमजुङ महोत्सवमा २०१ टल रहेका छन् । स्थानीय व्यापारीका लागि ४० प्रतिशत छुट दिइएको छ । महोत्सवमा २ लाख दर्शकले महोत्सव अवलोकन गर्ने लक्ष्य राखिएको आयोजक समितिका निवर्तमान अध्यक्ष गुणराज सिलवालले बताए ।
।
लमजुङ उद्योग वाणिज्य संघका अध्यक्ष भरतकुमार श्रेष्ठको अध्यक्षतामा भएको कार्यक्रममा संघीय सांसद उर्मिला रायमाझी, संविधान सभा सदस्य जमिन्द्रमान घले, गण्डकी प्रदेश सभा सदस्यहरु भेषबहादुर पौडेल, डा. टकराज गुरुङ र पार्वती तामाङ, स्थानीय तहका प्रमुखहरू, राजनीतिक दलका जिल्ला अध्यक्ष तथा संयोजकहरूले समेत शुभकामना व्यक्त गरेका थिए ।
महोत्सवमा बिक्री भएका टिकटबाट प्रति टिकट ५ रुपैयाँ सामाजिक सेवा कोषका लागि सहयोग गर्ने निर्णय गरिएको छ । सो रकममध्येबाट नेपाल पत्रकार महासंघ लमजुङको भवन निर्माणका लागि १ रुपैयाँ सहयोग गरिने भएको छ । त्यस्तै, कार्यक्रम स्थल रहेको सहजी खेल मैदान विकासका लागि १ रुपैयाँ, दैवीप्रकोप उद्धार कोषमा १ रुपैयाँ ५० पैसा, आदर्श महिला तथा बालविकास केन्द्र, मानव सेवा आश्रम र जेष्ठ नागरिक आरोग्य आश्रमलाई ५०/५० पैसा सहयोग गरिने लमजुङ उद्योग वाणिज्य संघका सचिव विपीन श्रेष्ठले जानाकारी दिएका छन् । महोत्सव सञ्चालन संघका पूर्वअध्यक्ष राजेश थापाले गरेका थिए ।
Related News
सम्बन्धित समाचार
कर्जा विस्तार हुनेगरी मौद्रिक नीति ल्यायौंः गभर्नर अधिकारी
आज मौद्रिक नीति सार्वजनिक हुँदै
गण्डकीको खर्च ६६ प्रतिशत, एकै दिन २ अर्ब निकासा
विदेशी मुद्रा सञ्चिति बढ्यो
पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक
hero news full width
मुख्य समाचार
रेवान पोखरामा विश्वराज
गायक तथा गीतकार एलपी जोशी रहेनन्
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१