क्षत्री समाज केन्द्रीय महाधिवेशन दमौलीमा हुने

आदर्श समाज सम्वाददाता
चैत्र १९, २०८०
Chhetri Samaj Photo

पोखरा । क्षत्री समाज नेपालको चौथो केन्द्रीय महाधिवेशन तनहुँको दमौलीमा हुने भएको छ ।

चैत २५ र २६ गते केन्द्रीय महाधिवेशन गर्न लागेको क्षत्री समाज नेपालले सोमबार पत्रकार सम्मेलन आयोजना गरी जानकारी दिएको छ । महाधिवेशनका विभिन्न उपसमितिहरू गठन गरी तयारी थालिएको क्षत्री समाजका नेपालका अध्यक्ष प्राडा दिलबहादुर क्षत्रीले जानकारी दिए । अधिवेशनका लागि करिब ४ सय प्रतिनिधि दमौली पुग्ने उनले बताए ।
महाधिवेशनको पहिलो दिन दमौली बजारमा सारुन नाच, सांस्कृतिक प्रस्तुतिसहितको ¥याली निकालिने महासचिव केशबहादुर केसीले बताए । दमौलीको खुला मैदानमा उद्घाटन सत्र, बन्द सत्र र नेतृत्व परिवर्तनका लागि निर्वाचन कार्यक्रम गरिने केसीले बताए ।

समाजका उपाध्यक्ष कृष्ण थापाले विविध विषयमा जानकारी दिँदै महाधिवेशनको आमसञ्चारको माध्यमबाट प्रसारण र प्रकाशनका गरिदिन आग्रह गरे । ‘राष्ट्रिय अखण्डता र जातीय सद्भावका लागि क्षत्री एकता आजको आवश्यकता’ भन्ने मूल मन्त्रसहित वि.सं. २०५३ देखि आम खस क्षत्रीहरूको साझा संस्थाको रुपमा क्षत्री समाज नेपाल निरन्तर सक्रिय रहँदै आएको छ ।

समाजको स्थापनादेखि पोखरामा केन्द्रीय कार्यालय रही देशभर समाजको समितिहरू निर्माणअन्तर्गत केन्द्र, विभिन्न समाजहरू प्रदेश, जिल्ला, नगर, गाउँ र वडास्तरसम्म समाजको गतिविधिलाई क्षत्री समाजले अगाडि बढाइरहेको छ ।

Related News

सम्बन्धित समाचार

hero news full width