पोखरा । आगामी वैशाखमा हुने आठौं संस्करणको पोखरा स्पोर्टस् अवार्ड सफल बनाउन आयोजक खेलकुद पत्रकार मञ्च गण्डकीले तयारी तीव्र पारेको छ ।

मञ्चमा आबद्ध सदस्य सम्मिलित आइतबार आयोजित भेलाले दीननाथ बराल मूल आयोजक समिति संयोजक रहने गरी ११ उपसमिति गठन गरेको छ । बराल मञ्च अध्यक्ष हुन् ।

मञ्च महासचिव राजाराम पौडेलका अनुसार आर्थिक संकलन उपसमिति संयोजकमा कविता घर्ती मगर र सहसंयोजकमा शशीकुमार पौडेललाई जिम्मेवारी दिइएको छ । प्रचारप्रसार संयोजकमा महासचिव पौडेल, सहसंयोजक विजय नेपाल, सदस्य रिखिराम जिसी, धनबहादुर गुरुङ सुमन र विजय नेपाली छन् ।

अन्तर्राष्ट्रिय समन्वय उपसमिति संयोजक केशव पाठक र सहसंयोजक सुदर्शन रन्जित, स्वागत सत्कार संयोजक एकराज गिरी र सहसंयोजक फडिन्द्र अकिञ्चन छन् । स्वयंसेवक परिचालन संयोजक मानबहादुर घर्ती र सहसंयोजक राम गुरुङ, फोटोग्राफी तथा भिडियोग्राफी संयोजक उमेश पुन र सहसंयोजक वसन्त शेर्पा छन् । मञ्च व्यवस्थापन संयोजक जिम्मा सन्देश श्रेष्ठले पाएका छन् भने सहसंयोजक धनबहादुर गुरुङ छन् । सांस्कृतिक कार्यक्रम संयोजकमा मन क्षत्री र सहसंयोजक सुशील नेपाली चयन भए ।

यस्तै, संघसंस्था समन्वय उपसमिति संयोजकमा रोहितराज पराजुली र सहसंयोजक कृष्ण दवाडी छन् । मूल्याङ्कन तथा अनुगमनमा क्रमशः रामकृष्ण ज्ञवाली संयोजक र गणेश बराल (ढाकामोहन) सहसंयोजक चयन भए । क्वीक रेस्पोन्स उपसमितिमा राजु गिरी संयोजक तथा अर्जुन गाहा (सुशान्त) सहसंयोजक छन् ।

आवश्यकता आधारमा उपसमितिमा सदस्य थप गर्ने अधिकार संयोजकलाई दिइएको महासचिव पौडेलले बताए । यसैबीच, भेलाका सहभागीले अवार्ड व्यवस्थित बनाउँदै विगतमा भन्दा थप आकर्षक बनाउनुपर्ने सुझाव दिए ।

खेल क्षेत्रमा प्रतिष्ठित पोखरा स्पोर्टस् अवार्डमा यसपालि ७ विधामा अवार्ड वितरण गरिनेछ । जसमा लाइफटाइम अचिभमेन्ट अवार्डसहित वर्ष खेलाडी पुरुष र महिला, प्रशिक्षक, उदीयमान खेलाडी, उत्कृष्ट खेल संघसंस्था÷क्लब र खेल पत्रकार अवार्ड छन् ।

गण्डकी प्रदेश सरकारले विशेष सहयोगमा हुने अवार्डलाई पोखरा महानगरपालिका र राखेपले पनि विगतमा झैं सघाउने छन् । प्रवद्र्धकमा नेपाल पर्यटन बोर्ड गण्डकी प्रदेश कार्यालय, होटल पार्टनरमा मझेरी रिसोर्ट एण्ड स्पा र साहस स्पोर्ट्सले सहयोगको सम्झौता गरिसकेको मञ्च अध्यक्ष दीननाथ बरालले बताए ।

अवार्ड पोखरा सभागृहमा आगामी २१ वैशाखमा हुनेछ ।