एसओएसमा सम्मानसहित विद्यार्थीको बिदाइ

आदर्श समाज सम्वाददाता
चैत्र १८, २०८०
sos

पोखरा । पोखरा रामबजारस्थित एसओएस हर्मन माइनर स्कुल गण्डकीका कक्षा १२ का विद्यार्थीलाई बिदाइ गरिएको छ । सो अवसरमा एमबिबिएस, बिई, बिएस्सी नर्सिङ, बिडिएस, वनविज्ञान, इन्जिनियरिङजस्ता राष्ट्रका विभिन्न क्षेत्रमा उत्कृष्टता हासिल गर्न सफल विद्यालयका भूतपूर्व विद्यार्थीलाई विद्यालयले सम्मानसमेत गरिएको थियो ।
प्रतिनिधिसभा सदस्य विद्या भट्टराईले आफैं स्रोत जुटाएर एसओएसले राज्यले गर्नुपर्ने दायित्व पूरा गरिरहेको बताइन् । ‘सुख–दुख, प्राप्ति–क्षति दुवैलाई समानान्तर ढंगले सामना गर्दै संघर्षपूर्ण जीवन जिउने विद्यार्थी नै जीवनमा सफल हुन्छ,’ कास्की क्षेत्र २ बाट निर्वाचित सांसद भट्टराई भनिन्, ‘एसओएसजस्तो प्रतिष्ठित विद्यालयबाट दीक्षित भई बिदा भएर जाने विद्यार्थी आफ्नो उज्ज्वल भविष्य निर्माणसँगै नेतृत्वदायी भूमिकासहित समाज रूपान्तरण अभियानमा पनि अग्रसर हुनुपर्दछ ।’

पोखरा १५ का वडाध्यक्ष तोरणबहादुर बानियाँले जीवनमा आर्थिक प्रगतिभन्दा पनि इमानदारी र नैतिकता महत्त्वपूर्ण भएकाले यसैभित्र विद्यार्थीले सफलता खोज्दै देशसेवा गर्न तत्पर हुनुपर्ने बताए ।

एसओएस गण्डकी परियोजना निर्देशक प्रदीपभक्त आचार्यले आत्मनिर्भर बन्ने प्रक्रियामा संघर्ष गरिरहेको विद्यालयले संघ, प्रदेश र स्थानीय सरकारबाट यथाशक्य सहयोगको अपेक्षा गरिरहेको बताउँदै बिदाइ भएर जाने विद्यार्थीले शिक्षा प्रदान गर्ने आफ्नी आमाजस्तो सम्मानित शिक्षालयलाई सदैव स्मरण गरिरहनुपर्ने बताए ।
प्राचार्य चूडामणि सुवेदीले जहाँ पुगे पनि विद्यार्थीले एसओएसको सद्भावना दूतका रूपमा रहेर कार्य गरिरहने विश्वास व्यक्त गरे ।

राष्ट्रका विभिन्न क्षेत्रमा उत्कृष्टता हासिल गर्न सफल विद्यालयका भूतपूर्व विद्यार्थीलाई समेत सम्मान

प्लस टु संयोजक खगेन्द्रराज बरालले विद्यालयले बर्सेनि प्राप्त गरिरहेको सफलताको चर्चा गर्दै बिदाइ भएर जाने विद्यार्थीको उत्तरोत्तर प्रगतिको कामना गरे ।
कक्षा ११ का विद्यार्थीको आयोजनामा भएको कार्यक्रमको अध्यक्षता प्राचार्य सुवेदीले गरेका थिए । बिदाइ भएर जाने विद्यार्थीको सम्मानमा कक्षा ११ का विद्यार्थीले विभिन्न मनोरञ्जनात्मक कार्यक्रम पनि प्रस्तुत गरेका थिए ।

कक्षा १२ का विद्यार्थीलाई पोखरा १५ का वडाध्यक्ष तोरणबहादुर बानियाँ, एसओएस गण्डकीका परियोजना निर्देशक प्रदीपभक्त आचार्य, प्राचार्य चूडामणि सुवेदी, सहप्राचार्यद्वय वीरसिंह बुढा र प्रभास पौडेलले संयुक्त रूपमा अबिर र खादा अर्पण गरी मायाको चिनोसमेत प्रदान गरे ।

सम्मानित विद्यार्थीको तर्फबाट गत वर्ष शिक्षा मन्त्रालयको सरकारी कोटाबाट चिकित्साशास्त्रतर्फ तेस्रो नम्बरमा नाम निकाल्न सफल विप्लव पौडेलले अग्रजको प्रेरणाले आफूलाई पनि सफलताको खुड्किलो चढ्ने हौसला प्रदान गरेको बताए ।

समारोहमा पोखरा महानगरपालिका कार्यपालिका सदस्य मन्दिरा परियार, एसओएस युवालय गण्डकीका प्रमुख बाबुराम बराल, शिक्षक तथा कर्मचारी कल्याणकारी युनियन एसओएस गण्डकीका एकाइ अध्यक्ष टीकाराम सुवेदी, एसओएस गण्डकीका सहप्राचार्यद्वय वीरसिंह बूढा र प्रभास पौडेल, एसओएस बालग्राम गण्डकी आमा प्रतिनिधि पार्वती पाण्डेलगायतको उपस्थिति थियो ।

समारोहमा कक्षा १२ तर्फबाट रिश्मा पाण्डे र सुशान्त गुरुङ तथा कक्षा ११ का तर्फबाट प्राश्ना पौडेलले बोलेका थिए । कक्षा ११ का विद्यार्थी रीया गौतम, प्रज्ञा शर्मा, कस्मिना पराजुली र अनुष्का आचार्यले कार्यक्रम सञ्चालन गरेका थिए ।

Related News

सम्बन्धित समाचार

  • राष्ट्रिय माविमा पूर्व विद्यार्थीको सम्मान

    आदर्श समाज सम्वाददाता वैशाख ९, २०८१
    पोखरा । यस वर्ष हीरक महोत्सव मनाइरहेको राष्ट्रिय माध्यमिक विद्यालय, पोखरामा शनिबार पुनर्मिलन कार्यक्रम भएको छ । सो अवसरमा पोखरा…
  • हिमालय माविले स्वर्ण महोत्सव मनाउने

    आदर्श समाज सम्वाददाता वैशाख ९, २०८१
    पोखरा । अन्नपूर्ण ७ स्थित हिमालय माविले त्रिदिवसीय कार्यक्रम गरी स्वर्ण महोत्सव मनाउने भएको छ । विद्यालयले यही वैशाख १०…
  • ‘वन्यजन्तु संरक्षणमार्फत पर्यापर्यटन बढाऔं’

    श्रीभद्र पौडेल वैशाख ७, २०८१
    पोखरा । वन्यजन्तु संरक्षण गरी पर्यापर्यटन बढाउनुपर्ने एक कार्यक्रमका वक्ताले जोड दिएका छन् । पृथ्वीनारायण क्याम्पस प्राणीशास्त्र विभाग तथा प्राणीशास्त्र समाजको…
  • कन्या क्याम्पसमा प्राध्यापकको बिदाइ

    आदर्श समाज सम्वाददाता वैशाख ७, २०८१
    पोखरा । कन्या क्याम्पस पोखरा र प्राध्यापक संघको संयुक्त आयोजनामा प्राडा नरहरि उपाध्याय गौतम, सहप्राध्यापक घनबहादुर थापा र उपप्राध्यापक राजेन्द्रबहादुर…
  • पोखरा बहुमुखी क्याम्पसको क्यालेन्डर विमोचन

    आदर्श समाज सम्वाददाता वैशाख ३, २०८१
    पोखरा । पोखरा बहुमुखी क्याम्पसमा अध्ययनरत विभिन्न तह र संकायका विद्यार्थीलार्ई निशुल्क कम्प्युटर तालिम प्रदान गरिएको छ । विद्यार्थीलाई पाठ्यक्रमसँगै…

hero news full width