पोखरा । पश्चिमाञ्चल मावि, गैह्रापाटनका कक्षा १२ का विद्यार्थीलाई शनिबार एक समारोहबीच बिदाइ गरिएको छ । कक्षा ११ का विद्यार्थीको संयोजनमा बिदाइ कार्यक्रम आयोजना गरिएको हो ।

दश जोड दुईका संयोजक देव क्षत्रीले वार्षिक परीक्षाको पर्खाइमा रहेका विद्यार्थीले थप मेहनत गर्नुपर्ने बताए ।

प्राचार्य सरोज कोइरालाले थप मेहनत गरेर अध्ययन गरेमा भविष्य उज्ज्वल हुने भएकाले अबको एक महिना पढाइमा थप मेहनत गर्न विद्यार्थीलाई आग्रह गरे । वैशाख मध्यदेखि कक्षा १२ को वार्षिक परीक्षा हुने भएकाले त्यहीअनुसार तयारी गर्न उनको सुझाव थियो ।

पश्चिमाञ्चल फाउन्डेसन अध्यक्ष प्राडा रामनाथ ओझाले २ वर्षको अध्ययनपछि विद्यार्थी बिदाइ भए पनि यो सधैंका लागि बिदाइ नभएको बताए ।

उनले विद्यालयसँगको सम्बन्ध सधैंभरका लागि रहिरहने पनि बताए । फाउन्डेसनका पूर्व अध्यक्ष प्राडा विश्वकल्याण पराजुली, सञ्चालक डा. कपिल अधिकारी, सहायक प्राचार्य मीनु श्रेष्ठ कुँवर, अतिरिक्त क्रियाकलाप संयोजक आत्मराम अधिकारी, सिनियर इञ्चार्ज विजयराज अधिकारी र कक्षा ११ का विद्यार्थीले पनि बिदाइ भई जाने विद्यार्थीलाई सफलताको शुभकामना दिए ।

नर्सरीदेखि १२ कक्षासम्म अध्यापन हुने पश्चिमाञ्चलमा कक्षा ११ र १२ मा विज्ञान, व्यवस्थापन, होटल व्यवस्थापन, मानविकी र कानुन संकायमा अध्यापन हुन्छ ।