प्रतिभा माविमा १२ कक्षाका विद्यार्थीलाई बिदाइ

आदर्श समाज सम्वाददाता
चैत्र १७, २०८०
Prativa Farewell (1)

पोखरा । प्रतिभा माविले १२ कक्षाका विद्यार्थीलाई शनिबार एक कार्यक्रम आयोजना गरी बिदाइ गरेको छ । कक्षा ११ का विद्यार्थीको संयोजनमा भएको कार्यक्रममा उनीहरुलाई आगामी परीक्षाको सफलताको शुभकामनासहित बिदाइ गरियो ।

प्रतिभा मावि सञ्चालक समिति अध्यक्ष नारायणप्रसाद पौडेलले कक्षा ११ का विद्यार्थीले अग्रज कक्षा १२ का विद्यार्थीलाई बिदाइ गर्नु आफैँमा गतिलो संस्कार भएको बताए । उनले कम्तीमा २ वर्षको यो अवधिले अगाीिम दिनमा अघि बढ्न थप ऊर्जा मिल्ने विश्वास लिए । आगामी दिनमा अझ मेहनतका साथ अध्ययन गरेर भविश्य उज्ज्वल बनाउन पौडेलको सुझाव थियो ।

प्राचार्य किरण सापकोटाले सफलताको यात्रामा अगाडि बढ्नका लागि विद्यार्थीलाई हौसला आवश्यक रहेको बताए । उनले प्रतिभाका विद्यार्थीमा सबैखाले आत्मविश्वास रहेको बताए । अहिलेसम्म विद्यालयले उत्कृष्ट नतिजा पस्केको र आगामी दिनमा योभन्दा अझ राम्रो नतिजा दिनेमा आफू ढुक्क रहेको बताए । पछिल्लो वर्ष आफ्ना विद्यार्थीले विभिन्न क्षेत्रमा प्रतिभा देखाएर विद्यालयका लागि मात्र नभई सिंगो पोखराको शैक्षिक क्षेत्रका लागि गुन लगाएको प्राचार्य सापकोटाले बताए । सिंगो देशका लागि पदक भित्र्याउने विद्यार्थी उत्पादन गर्न विद्यालय सफल भएको सापकोटाले बताए । उनले जीवनमा जति नै सुकै ठूलो पदमा पुगे पनि आमाबाबु, जन्मथलो र विद्यालयलाई नबिर्सन विद्यार्थीलाई सुझाव पनि दिए ।

पोखराको पालिखेचोकस्तिथ प्रतिभा माविमा नर्सरीदेखि १२ कक्षासम्म अध्यापन हुन्छ । कक्षा ११ र १२ तर्फ विज्ञान, व्यवस्थापन र होटल व्यवस्थापन विषयमा अध्यापन हुँदै आएको छ ।

Related News

सम्बन्धित समाचार

  • राष्ट्रिय माविमा पूर्व विद्यार्थीको सम्मान

    आदर्श समाज सम्वाददाता वैशाख ९, २०८१
    पोखरा । यस वर्ष हीरक महोत्सव मनाइरहेको राष्ट्रिय माध्यमिक विद्यालय, पोखरामा शनिबार पुनर्मिलन कार्यक्रम भएको छ । सो अवसरमा पोखरा…
  • हिमालय माविले स्वर्ण महोत्सव मनाउने

    आदर्श समाज सम्वाददाता वैशाख ९, २०८१
    पोखरा । अन्नपूर्ण ७ स्थित हिमालय माविले त्रिदिवसीय कार्यक्रम गरी स्वर्ण महोत्सव मनाउने भएको छ । विद्यालयले यही वैशाख १०…
  • ‘वन्यजन्तु संरक्षणमार्फत पर्यापर्यटन बढाऔं’

    श्रीभद्र पौडेल वैशाख ७, २०८१
    पोखरा । वन्यजन्तु संरक्षण गरी पर्यापर्यटन बढाउनुपर्ने एक कार्यक्रमका वक्ताले जोड दिएका छन् । पृथ्वीनारायण क्याम्पस प्राणीशास्त्र विभाग तथा प्राणीशास्त्र समाजको…
  • कन्या क्याम्पसमा प्राध्यापकको बिदाइ

    आदर्श समाज सम्वाददाता वैशाख ७, २०८१
    पोखरा । कन्या क्याम्पस पोखरा र प्राध्यापक संघको संयुक्त आयोजनामा प्राडा नरहरि उपाध्याय गौतम, सहप्राध्यापक घनबहादुर थापा र उपप्राध्यापक राजेन्द्रबहादुर…
  • पोखरा बहुमुखी क्याम्पसको क्यालेन्डर विमोचन

    आदर्श समाज सम्वाददाता वैशाख ३, २०८१
    पोखरा । पोखरा बहुमुखी क्याम्पसमा अध्ययनरत विभिन्न तह र संकायका विद्यार्थीलार्ई निशुल्क कम्प्युटर तालिम प्रदान गरिएको छ । विद्यार्थीलाई पाठ्यक्रमसँगै…

hero news full width