पोखरा । कास्की फेन्सिङ संघ अध्यक्षमा अमृत पोखरेल सर्वसम्मत निर्वाचित भएका छन् ।

शुक्रबार प्रथम अधिवेशन तथा साधारणसभाले पोखरेललाई अध्यक्षमा सर्वसम्मत् निर्वाचित गरेको हो ।

संघ उपाध्यक्षमा चिजा पुन, सचिव केशव नेपाल र कोषाध्यक्ष दुर्गा थपलिया तिमिल्सिना चयन भए । कार्यसमिति सदस्य सूर्यप्रसाद पोखरेल, रमेश बास्तोला, मुगा आचार्य र रन्जु बराल छन् ।

यसअघि अधिवेशन तथा साधारणसभा उद्घाटन जिल्ला खेलकुद विकास समिति कास्की अध्यक्ष तोरणबहादुर बानियाँले गरेका थिए ।

सो अवसरमा गण्डकी प्रदेश फेन्सिङ संघ अध्यक्ष विजय शाही, गण्डकी प्रदेश फेन्सिङ संघ सदस्य शिव शर्मा पौडेल, जिल्ला खेलकुद विकास समितिका कार्यालय प्रमुख सुनबहादुर लामाले समेत शुभकामना व्यक्त गरेका थिए । गण्डकी प्रदेश फेन्सिङ संघका सदस्य शिव शर्मा, महेश पौडेल, मनीषा गुभाजु लगायत सहभागी थिए । कार्यक्रम सञ्चालन कास्की फेन्सिङ संघ सचिव केशव नेपालले गरेका थिए ।