पोखरा । वैद्धिक सनातन धर्म समुदाय पोखराको आयोजनामा नयाँवर्षदेखि प्रदर्शनी केन्द्रमा हुने श्रीमद्भागवत् सप्ताह ज्ञानमहायज्ञको तयारी तीव्र पारिएको छ ।
जसअन्तर्गत आजकल दैनिक जसो भेला तथा छलफल भइरहेकोमा शनिबार पोखराका मुख्य सरोकारवाला संघसंस्थाका प्रतिनिधि एवं व्यक्तिहरूसँग अन्तक्र्रिया गरिएको छ ।
कार्यक्रममा यज्ञका प्रमुख वाचकसमेत रहेका हरिहर सन्यास आश्रम देवघाटधाम तनहुँका पीठाधीश अनन्तश्रीविभूषित स्वामी ज्ञानानन्द सरस्वतीजी महाराजले महायज्ञलाई गुरु यज्ञको संज्ञा दिँदै त्यहाँ नेपालका विभिन्न स्थानबाट सन्त महन्तको आगमन हुने औंल्याए ।
उनले मानिसमा देव, पितृ तथा गुरु ऋण हुने उल्लेख गर्दै उक्त ऋण मोचनको माध्ययम यज्ञ बन्न सक्ने स्पष्ट पारे । सद्गुरु नभएसम्म असल मार्ग प्राप्त गर्न नसकिने जनाउँदै स्वामी सरस्वतीजी महाराजले शरीर पितृको सम्पत्ति भएको पनि धारणा राखे ।
यज्ञका संरक्षक चिद्धन चैतन्य महाराजले यज्ञलाई सबै मिली दिव्य बनाउनुपर्नेमा उल्लेख गर्दै भागवत्को सार समाजलाई बुझाउन यज्ञ फलदायी बन्न औंल्याए । उनले व्यासको मर्यादा कायम गरी यज्ञ सम्पन्न हुने विश्वास लिए ।
महायज्ञ सम्पादन समितिका अध्यक्ष लक्ष्मण पौडेलले प्राय समाजमा हुने गरेका नियमित यज्ञ भन्दा यस यज्ञको उद्देश्य पृथक रहेको सुनाउँदै यज्ञमार्फत् आध्यात्मिक ज्ञान विस्तार गर्ने मूल उद्देश्य राखिएको स्पष्ट पारे । उनले यज्ञमार्फत् स्वःस्फूर्त रुपले प्राप्त हुने अर्थराशि वैदिक गुरुकुल एवं सत्संग केन्द्रहरुमा सदुपयोग हुने विश्वास दिलाए ।
महायज्ञ सम्पादन समितिका महासचिव सूर्यभक्त सिग्देलले धर्म निरपेक्षतामा नाममा देशमा धार्मिक स्खलन भइरहेको धारणा राख्दै लोककल्याणार्थ यज्ञ गरिएको स्पष्ट पारे । त्यस अवसरमा उनले यज्ञको समग्र विषयवस्तुबारे प्रकाश पारे ।
महायज्ञ सम्पादन समितिका कोषाध्यक्ष मोहनप्रसाद अधिकारीले यज्ञ सम्पन्न गर्न करिव ४० लाख खर्च अनुमान गरिएको जनाउँदै यज्ञको हरहिसाब पारदर्शी हुने बताए ।
त्यस अवसरमा यज्ञाचार्य डा.रामप्रसाद आचार्य, ताराखर पौडेल, रामचन्द्र पौडेल, नन्दप्रसाद सुवेदीलगायतले पनि धारणा राखे ।
यज्ञको तयारी स्वरुप आजकल दिनहुँजसो मूल आयोजक समितिको बैठक भइरहेको छ । त्यस्तै यज्ञका बारेमा ब्रोसर, पहिलो चरणको पत्रकार सम्मेलन, उपसमिति चयन, पत्र वितरणदेखि वडास्तरमा जनप्रतिनिधिसँग छलफल गरि सकिएको छ ।
यज्ञलाई धर्म संकल्प कार्यका रुपमा विकास गर्ने उद्देश्यका साथ तयारी भइरहेको छ । जसमा पोखरावासीको उल्लेख्य साथ, सहयोग मिल्ने आयोजकको विश्वास छ ।
१० दिनसम्म चल्ने यज्ञअन्तर्गत श्रीमद्भागवत् पाठपारायण, ब्रह्मगायत्रीद्वारा लक्ष्यहवन, लघुरुद्राभिषेक, सप्तशती पाठपारायण, वेद पाठपारायण, गीता विष्णुसहस्रनाम स्तोत्र पाठपरायण तथा पञ्चदेवोपासना र अन्य अनुष्ठानहरू हुनेछन् ।
यज्ञमा कर्ता बस्न इच्छुक व्यक्ति, परिवार वा वंशले ११ हजार १ सय ११ का साथमा सम्पादन समिति समक्ष आवेदन दिनुपर्ने छ ।
महायज्ञ सम्पादन समितिका अध्यक्ष पौडेलको अध्यक्षतामा भएको उक्त कार्यक्रममा सहअध्यक्ष महेश पराजुलीले स्वागत तथा महायज्ञ सम्पादन समितिका सदस्य पत्रकार दुर्गा अधिकारीले कार्यक्रम सञ्चालन गरेकी थिइन् ।
Related News
सम्बन्धित समाचार
आगोलागी नियन्त्रणसम्बन्धी सचेतना
पोखरा ६ मा साबुन बनाउने तालिम
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
hero news full width
मुख्य समाचार
पोखराको मालेपाटनमा डिभाइडरमा ठोक्किएर कार दुर्घटना
बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१