पोखरा । नेकपा एमाले कास्की अध्यक्षमा बैनबहादुर अधिकारी क्षत्री विजयी भएका छन् । माधव बास्तोलालाई २ सय ४ मतले  हराउँदै वैनबहादुर विजयी भएका हुन् । अधिकारीले ५ सय ५१ मत ल्याउँदा बास्तोला ३ सय ४७ मा समेटिए । बैनबहादुरलाई खगराज अधिकारी र बास्तोलालाई पिएस गुरुङको समर्थन थियो । अध्यक्षका अर्का उम्मेदवार विवेक त्रिपाठीले १७ मत पाए ।

निर्वाचनमा ९ सय १५ मत खसेको थियो ।

१६ वटा विद्युतीय भोटिङ मेसिनबाट मतदान गरिएकाे थियाे । मतगणना पनि मेसिनबाटै गरिनेछ । मंगलबार साँझ साढे ७ बजेदेखि सुरु भएकाे मतदान बुधबार साढे ३ बजेपछि सकिएकाे हाे । विद्युतीय मेसिनबाट मतदान भएकाले गणनामा भने छिटो भएको हो ।

एमाले कास्कीको अधिवेशन शनिबार सुरु भएको थियो । यहाँ पिएस र खगराज २ समूहको टक्करका कारण निर्वाचन प्रकि्या लम्बिएको थियो । वैनबहादुर खगराज प्यानलका हुन् ।

उपाध्यक्षमा भेषराज बरालले ५ सय २७, सचिवमा लेखबहादुर तामाङ (दर्शन लामा) ५ सय ९५, उपसचिवमा सन्तु सुवेदी ५ सय १० र लालबहादुर परियार ५ सय ८१ मतका साथ विजयी भए ।

उपाध्यक्षका उमेदवार शिव आचार्यले ३ सय ८८ मत, सचिव सुरेन्द्र गुरुङले ३ सय २० मत, उपसचिवद्वय राधिका शाही योगी ३ सय ४४ र गीता विश्वकर्माले ३ सय ३४ मत प्राप्त गरे ।