चाकडी प्रथा अन्त्य जरुरी: खेलकुद मन्त्री श्रेष्ठ

आदर्श समाज सम्वाददाता
चैत्र १३, २०८०
biraj

पोखरा । युवा तथा खेलकुद मन्त्री विराजभक्त श्रेष्ठले खेलकुदमा चाकडी गर्ने परिपाटीले खेलकुद क्षेत्र अघि बढ्न नसकेको टिप्पणी गरेका छन् । राष्ट्रिय स्वतन्त्र पार्टीका युवा नेतासमेत रहेका मन्त्री श्रेष्ठले आइतबार पोेखरा रंगशाला अवलोकन गर्दै खेलकुदमा चाकडी गर्ने गर्दा खेलकुदको विकास हुन नसकेको बताएका हुन् ।

उनले भने, ‘खेलकुदको विकास गर्न एक प्रशिक्षकले आफ्ना खेलाडीहरु उत्पादन गर्नुभन्दा पनि कुन नेताको कसरी नजिक हुँदा आफूलाई फाइदा हुन्छ, कसरी चाकडी गर्न सकिन्छ भन्ने सोच्नाले नेपाली खेलकुदको विकास हुन सकेन, अब यो परिपाटी अन्त्य गर्नुपर्छ ।’

वेगनासमा राष्ट्रिय ड्रागन बोर्ट रेस प्रतियोगिता उद्घाटनका लागि आएका बखत मन्त्री श्रेष्ठले पोखरा रंगशाला अवलोकन गरेका हुन् । उनले पोखरा रंगशालामा विभिन्न अन्तर्राष्ट्रियस्तरका खेलहरुसमेत भएको अवस्थामा बाँकी केही भौतिक पूर्वाधार निर्माणमा आफूले विशेष पहल गर्ने प्रतिबद्धता जनाए ।

पोखरा रंगशालाको हाल मर्मत संहार गर्नुपर्ने अत्यावश्यक खेल संरचनाको आवश्यक डकुमेन्टसमेत ल्याउन माग गर्दै मन्त्री श्रेष्ठले पोखरामा धेरै खेल संघको सक्रियतामा खेल मैदान निर्माण भएकोमा प्रशंसा गर्दै यसमा राज्यले अब अपनत्व लिने जनाए । मन्त्री श्रेष्ठसमक्ष पोखरा रंगशालामा हिटिङसहितको स्वीमिङ पुल आवश्यक भएको, फुटबल स्टेडियममा फ्लट लाइट आवश्यक भएको, सुटिङ ट्रेनिङ सेन्टर आवश्यक भएको, क्रिकेट मैदानको थप मर्मत संहारसहित पेभिलियन निर्माण, स्क्वास, गल्फ, भलिबल, मुआथाई लगायतका खेल मैदान तथा कोर्टबारे जनाए । पोखरा रंगशालामा भएका खेल संरचनाबारे राखेप बोर्ड सदस्य राजेश कुमार गुरुङ, जिल्ला खेलकुद विकास समिति कास्की अध्यक्ष तोरणबहादुर बानियाँ लगायतले ब्रिफिङ गरे ।

Related News

सम्बन्धित समाचार

  • तनहुँको फ्रेन्डसीप क्लबलाई फुटबल उपाधि

    आदर्श समाज सम्वाददाता वैशाख ७, २०८१
    लमजुङ । ‘सुखी गाउँ’ घलेगाउँमा नयाँ वर्ष अवसरमा सञ्चालित सातौं स्मार्ट भिलेज गोल्ड फुटबल कप उपाधि तनहुँको फ्रेन्डसीप क्लबले जितेको…
  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…

hero news full width