लेखनाथ । वेगनास तालमा भएको प्रथम राष्ट्रिय वेगनास ड्रागन बोट रेसमा वाटर स्पोर्टस् नेपाल र नेपाल एसोसिएसन अफ र्याफ्टिङ एजेन्सी (नारा), पोखरा च्याम्पियन बनेका छन् ।
पोखरा महानगरपालिका र नेपाल पर्यटन बोर्डको आयोजना तथा नेपाल ड्रागन बोट संघ गण्डकी र होटेल तथा रेस्टुरेन्ट एसोसिएसन लेखनाथको सहआयोजनामा २ दिनसम्म चलेको प्रतियोगिताअन्तर्गत वाटर स्पोर्टस्ले ५ सय मिटरतर्फ र नाराले २ सय मिटरतर्फ उपाधि जितेका हुन् ।
सोमबार ५ सय मिटरमा वाटर स्पोर्टस् नेपालले नारालाई पछि पार्दै उपाधिसहित २ लाख रुपैयाँ पुरस्कार प्राप्त गर्यो । उपविजेता नाराले १ लाख ५० हजार पायो । नेपाल आर्मी र वेगनास ताल डुंगा व्यवसायी समिति क्रमशः तेस्रो र सान्त्वना हुँदै क्रमशः ७५ हजार र २५ हजार नगद पाए ।
२ सय मिटरतर्फ च्याम्पियन नाराले १ लाखसहित उपाधि जित्यो । वाटर स्पोर्टस् एसोसिएसनले ५० हजार, तेस्रो हर्पन मत्स्य समूहले २५ हजार जिते ।
२ सय मिटर महिलातर्फ वेगनास मत्स्य व्यवसायी समिति प्रथम, वेगताल डुंगा व्यवसायी समिति द्वितीय र जलारी दिदीबहिनी समूह तेस्रो भए । प्रतियोगितामा १३ टिमले भाग लिएका थिए ।
चीनबाट सुरु भएको ड्रागन बोट रेस ड्रागनको आकृति भएको डुंगा दौड हो । फेवातालमा गएको असार दोस्रो साता ड्रागन बोट रेस भएको थियो । त्यसबेला विमान चार्टर्ड नै गरी १ सय २० सदस्यीय टोली चीनबाट आएको थियो ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१