पोखरा । नेपाल र भारतको समृद्ध सांस्कृतिक सम्पदा मनाउन पोखरामा शनिबार साँझ भारतीय शास्त्रीय ओडिसी नृत्य र नेपाली लोकनृत्य प्रस्तुत गर्दै एक सांस्कृतिक कार्यक्रम आयोजना गरियो । रङहरुको पर्व होलीको पूर्वसन्ध्यामा आयोजित कार्यक्रमले भर्खरै पर्यटकीय राजधानी घोषित पोखरालाई रंगीन बनाएको थियो ।
भारतीय राजदूतावास, काठमाडौंस्थित स्वामी विवेकानन्द सांस्कतिक केन्द्र, नेपाल पर्यटन बोर्ड र पोखरा पर्यटन परिषद्ले संयुक्तरुपमा फेवाताल किनार वाराहीघाटमा उक्त कार्यक्रम आयोजना गरेका हुन् ।
कार्यक्रमको उद्घाटन गण्डकी प्रदेशका मुख्यमन्त्री सुरेन्द्रराज पाण्डेले गरे । उनले नेपाल–भार दुई देशबीच धेरै सांस्कृतिक समानता रहेको र यस कार्यक्रमले दुई देशको विविधता देखाउन मद्दत गरेको उल्लेख गरे ।
भारतीय राजदूतावासका प्रथम सचिव अविनाश सिंहले भारत र नेपालबीचको सदियौं पुरानो सांस्कृतिक सम्बन्धबारे बताउँदै पोखरालाई नेपालको पर्यटन राजधानी घोषणा गरेकोमा स्वागत गरे ।
कार्यक्रममा गण्डकी प्रदेश सरकार, स्थानीय सरकारका विशिष्ट व्यक्तिहरुसहित करिब ५ सय जना दर्शकको उपस्थिति रहेको पोखरा पर्यटन परिषद्का अध्यक्ष पोमनारायण श्रेष्ठले बताए ।
श्रीतकमला, सखी हे, दशावतार र वसन्त बहार: वसन्तको रंग प्रस्तुत गर्दै भारतीय शास्त्रीय नृत्यको कठिन चाल तथा भावभङ्गीमा ओडिसी नृत्यमार्फत कार्यक्रममा देखाइएको थियो ।
यस्तै, नेपालको तर्फबाट लाखे नृत्यसँगै नेपाली लोक नृत्य प्रस्तुत भयो । जसको नेतृत्व निश्कल उदासले गरेका थिए । उनलाई संगीतकार निशान श्रेष्ठ, विशेष ताम्राकार, सम्बोधी उदास, सम्राट भारी र आयुष श्रेष्ठले साथ दिए ।
काकली बोसको नेतृत्वमा रहेको ओडिसी नृत्य टोलीले यसअघि ९ चैतमा काठमाडौंमा आफ्नो प्रस्तुति देखाएको थियो । अब टोलीले लुम्बिनी, वीरगञ्ज र धरानमा समेत पुग्ने भारतीय राजदूतावासले जनाएको छ ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१