पोखरा । काम गर्ने क्रममा भीरबाट खसेर मृत्यु भएका मजदुरको शव सशस्त्र प्रहरीले साढे दुई घन्टाको प्रयासमा निकालेको छ ।

कास्कीको माछापुच्छ्रे गाउँपालिका– १ जिमिरेस्थित करुवा सेती हाइड्रोपावरमा काम गर्ने मजदुरको बिहीबार दिउँसो काम गर्ने क्रममा अचानक अन्दाजी ३ सय मिटर माथि भिरबाट खसेर मृत्यु भएको थियो ।

गोरखाको सहिद लखन गाउँपालिका– २ का ५० वर्षे यामबहादुर थापाको शवलाई सशस्त्र प्रहरी बल, कालिका गण कास्कीबाट खटिएको टोलीले डोरीको सहायतामा भीरबाट निकालेको हो । सशस्त्र प्रहरीका सहप्रवक्ता शैलेन्द्र थापाका अनुसार पोस्टमार्टमका लागि पश्चिमाञ्‍चल स्वास्थ्य विज्ञान प्रतिष्ठान पोखरा पठाएको छ ।