स्टेप बाइ स्टेपमा शैक्षिक प्रदर्शनी तथा पुरस्कार वितरण

आदर्श समाज सम्वाददाता
फागुन २०, २०८०
Steep by steep

पोखरा । स्टेप बाइ स्टेप माविमा शैक्षिक प्रदर्शनी, पुरस्कार वितरण तथा सांस्कृतिक कार्यक्रम सम्पन्न भएको छ । वर्षभरि भएका खेलकुद, अतिक्ति क्रियाकलाप र २०७९ सालमा कक्षाका उत्कृष्ट विद्यार्थीलाई पुरस्कार प्रदान गरिएको थियो । कार्यक्रममा विद्यार्थीहरूले गीत, नृत्य, कविता तथा कमेडी पनि प्रस्तुत गरेका थिए । कार्यक्रममा कक्षा २ देखि १२ सम्मका विद्यार्थीले तयार पारेका सामग्रीहरू प्रदर्शन गरिएको थियो ।

कार्यक्रममा शिक्षा विकास तथा समन्वय इकाइ कास्कीका प्रमुख लोकनाथ आचार्यले घर पहिलो विद्यालय र अभिभावक पहिलो गुरु भएको प्रसंग उठाउँदै सचेत, जागरुक र असल अभिभावक भएमा मात्र विद्यार्थी असल र जेहेनदार हुने बताए । विद्यार्थीलाई जिज्ञासु, लगनशील, जेहेनदार र सक्षम बनाउन शिक्षक र विद्यालयको ठुलो भूमिका रहने कुरा बताए । साथै उनले स्टेप बाइ स्टेप मावि यस क्षेत्रको पुरानो र राम्रो विद्यालय रहेको पनि बताए ।

पोखरा ७ का अध्यक्ष राममोहन आचार्यले स्टेप बाइ स्टेप मावि यस वडाको उत्कृष्ट संस्थागत विद्यालय रहेको र यसले वडाको शैक्षिक तथा अन्य सामाजिक विकासमा पनि सहयोग पु¥याएकामा खुसी व्यक्त गरे ।

विद्यालयका संस्थापक प्रधानाध्यापक निर्मला बरालले गुणस्तरीय शिक्षा प्रदान गरी सक्षम र योग्य नागरिक निर्माणमा आपूmहरूले कुनै कसर बाँकी नराखेको बताउँदै सोहीअनुसार नै यहाँबाट विद्यार्थी योग्य, सक्षम र सफल नागरिक बनेकामा खुसी प्रकट गरिन् ।

विद्यालयले भौतिक सुविधा, खेलकुद, अतिरिक्त क्रियाकलाप, संगीत, नृत्य, कलामार्फत् विद्यार्थीको सर्वांगीण उन्नतिमा जोड दिएको बताइन् ।

विद्यालयका संस्थापक निर्देशक रमाकान्त बरालले गुणस्तरीय शिक्षा प्रदान गर्नु आफ्नो मूल उद्देश्य रहेको र आपूm त्यसैमा समर्पित रहिरहेको उल्लेख गरे ।
कार्यक्रममा विद्यालयका सहायक प्रधानाध्यापक दीपक गिरीलाई उत्कृष्ट शिक्षकका रुपमा सम्मान गरियो ।

विद्यालयका सहायक प्रधानाध्यापक दीपक गिरी, विद्यार्थीहरू राशिका श्रेष्ठ र अस्मिता मगरले कार्यक्रममा मन्तव्य राखेका थिए भने पूर्व जिल्ला शिक्षा अधिकारी रमेश पौडेल, समाजसेवी टेकनाथ आचार्य, विद्यालय व्यवस्थापन समिति सदस्य रामचन्द्र उपाध्याय, समाजसेवी गोपाल बराल, नारायण बराल, रविराज बरालले पुरस्कार वितरण गरेका थिए ।
विद्यालय व्यवस्थापन समितिका अध्यक्ष रमाकान्त बरालको अध्यक्षतामा भएको कार्यक्रम कक्षा ११÷१२ का संयोजक रघुनाथ वाग्लेले सञ्चालन गरेका थिए ।

Related News

सम्बन्धित समाचार

  • राष्ट्रिय माविमा पूर्व विद्यार्थीको सम्मान

    आदर्श समाज सम्वाददाता वैशाख ९, २०८१
    पोखरा । यस वर्ष हीरक महोत्सव मनाइरहेको राष्ट्रिय माध्यमिक विद्यालय, पोखरामा शनिबार पुनर्मिलन कार्यक्रम भएको छ । सो अवसरमा पोखरा…
  • हिमालय माविले स्वर्ण महोत्सव मनाउने

    आदर्श समाज सम्वाददाता वैशाख ९, २०८१
    पोखरा । अन्नपूर्ण ७ स्थित हिमालय माविले त्रिदिवसीय कार्यक्रम गरी स्वर्ण महोत्सव मनाउने भएको छ । विद्यालयले यही वैशाख १०…
  • ‘वन्यजन्तु संरक्षणमार्फत पर्यापर्यटन बढाऔं’

    श्रीभद्र पौडेल वैशाख ७, २०८१
    पोखरा । वन्यजन्तु संरक्षण गरी पर्यापर्यटन बढाउनुपर्ने एक कार्यक्रमका वक्ताले जोड दिएका छन् । पृथ्वीनारायण क्याम्पस प्राणीशास्त्र विभाग तथा प्राणीशास्त्र समाजको…
  • कन्या क्याम्पसमा प्राध्यापकको बिदाइ

    आदर्श समाज सम्वाददाता वैशाख ७, २०८१
    पोखरा । कन्या क्याम्पस पोखरा र प्राध्यापक संघको संयुक्त आयोजनामा प्राडा नरहरि उपाध्याय गौतम, सहप्राध्यापक घनबहादुर थापा र उपप्राध्यापक राजेन्द्रबहादुर…
  • पोखरा बहुमुखी क्याम्पसको क्यालेन्डर विमोचन

    आदर्श समाज सम्वाददाता वैशाख ३, २०८१
    पोखरा । पोखरा बहुमुखी क्याम्पसमा अध्ययनरत विभिन्न तह र संकायका विद्यार्थीलार्ई निशुल्क कम्प्युटर तालिम प्रदान गरिएको छ । विद्यार्थीलाई पाठ्यक्रमसँगै…

hero news full width