बिपी स्मृति फुटसल उपाधि मिलनटोलाई

आदर्श समाज सम्वाददाता
फागुन २०, २०८०
bp-smriti-footsal (1)

पोखरा । पोखरामा भएको प्रथम बिपी स्मृति फुटसलको उपाधि मिलनटोलले जितेको छ । शनिबार भएको फाइनल प्रतिस्पर्धामा मिलनटोलले फ्रेस इलिमेन्टसलाई ३–१ गोलले पराजित गर्दै उपाधि जितेको हो ।

नेपाल विद्यार्थी संघ (नेविसंघ) पोखरा महानगर समितिद्वारा आयोजित प्रतियोगितामा १६ टिमले प्रतिस्पर्धा गरेका थिए ।

विजेता मिलनटोलले ५५ हजार ५ सय ५५ रुपैयाँ र उपविजेता फ्रेस इलिमेन्टसे ३३ हजार ३ सय ३३ रुपैयाँ नगद पुरस्कार, ट्रफी, मेडल र प्रमाण पत्र प्राप्त गरे । साथै उत्कृष्ट खेलाडी, गोल–किपर र सर्वाधिक गोलकर्ताले पनि ट्रफी प्राप्त गरे ।

प्रतियोगिता उद्घाटन गण्डकी प्रदेश सभा सदस्य प्रकाश बराल र समापन कास्की कांग्रेस सभापति किशोरदत्त बरालले गरेका थिए । प्रतियोगिता पोखरा–७ स्थित फरेस्ट स्पोर्टस् एरिनामा भएको संघका सभापति विपिन पौडेलले जानकारी दिए ।

Related News

सम्बन्धित समाचार

hero news full width

trending post

ट्रेन्डिङ्ग