पोखरा । मोटरसाइकलको स्वरुप परिवर्तन (मोडिफाइ) गर्नेमाथि प्रहरीले धमाधम नियन्त्रण लिन थालेको छ । जिल्ला प्रहरी कार्यालय कास्की र जिल्ला ट्राफिक प्रहरी कार्यालय कास्कीको संयुक्त प्रयासमा पोखरा क्षेत्रबाट करिब ७ सय मोटरसाइकल नियन्त्रणमा लिइएको छ ।
मोडिफाई गरी समाजमा होहल्ला मच्चाउने, ध्वनी प्रदुषण गर्ने, साइलेन्सर पाइपबाट आगो समेत निकाल्ने गरेका भन्दै गत भदौ २५ देखि हालसम्म ६ सय ८१ वटा मोटरसाइकल नियन्त्रणमा लिइएको कार्यालयका निमित्त सूचना अधिकारी प्रहरी निरीक्षक सूर्यबहादुर रानाले बताए ।
त्यसवापत ७ लाख ४२ हजार जरिवाना संकलन गरिएको उनले बताए ।
समाजमा होहल्ला गर्दै मोटरसाइकल पड्काउँदै हिँड्ने तथा ध्वनी प्रदुषण गर्ने कार्य बढिरहेको भन्ने जनगुनासो प्राप्त भएपछि गत १७ फागुनदेखि २० फागुनसम्म कडाइका रुपमा चेकजाँच गरी मोडिफाई गरिएका ५९ मोटरसाइकल नियन्त्रणमा लिई आवश्यक कारबाहीका लागि यस जिल्ला प्रहरी कार्यालयमा लगिएको छ ।
पटके कारबाहीमा परेकालाई आवश्यक कारबाहीका लागि यातायात कार्यालय कास्कीमा पठाउने तथा पहिलो पटकमा परेकाहरूलाई मोडिफाई गरिएका सामान फेर्न लगाई पहिलेको जस्तै बनाउन लगाई ट्राफिक नियम उल्लंघनमा जरिवाना गरी अभिभावकको जिम्मा लगाई छाडिने जनाइएको छ ।
उक्त कार्य गर्ने गराउने वर्कसप समेतको निगरानी गर्ने, पहिचान गर्ने र उक्त वर्कसप सञ्चालक समेतलाई नियन्त्रणमा लिई आवश्यक कानुनी कारबाही प्रक्रिया अगाडि बढाइने प्रहरीले जनायो । सवारी तथा यातायात व्यवस्था ऐन, २०४९ को दफा ३९ मा मोटरसाइकलको स्वरुप परिवर्तन, पार्टपुर्जा थप्न वा घटाउन रंग परिवर्तन गर्न नपाइने व्यवस्था छ ।
Related News
सम्बन्धित समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
शिवशक्ति मार्ग टोल विकास संस्थाद्वारा ४४ ज्येष्ठ नागरिकको सम्मान
ज्येष्ठ नागरिकमैत्री विविध सांस्कृतिक तथा भजन प्रतियोगिता तयारी पूरा
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१