लक्ष्मी आदर्श माविको स्वर्ण महोत्सव सकियो

आदर्श समाज सम्वाददाता
फागुन १८, २०८०
Laxmi aadarsha

लेखनाथ । पोखरा २७ मा रहेको लक्ष्मी आदर्श माविको स्वर्ण महोत्सव शुक्रबार सम्पन्न भएको छ । ३ दिनसम्म चलेको स्वर्ण महोत्सव कार्यक्रमअन्तर्गत स्वर्णजयन्ती वर्ष–२०८० को स्तम्भ अनावरण, स्वर्णजयन्ती वर्ष –२०८० का लागि निर्मित प्रवेशद्वार उद्घाटन एवं स्मारिका विमोचनलगायत कार्यक्रम भए ।

स्वर्णजयन्ती स्तम्भ अनावरण गण्डकी प्रदेशका मुख्यमन्त्री सुरेन्द्रराज पाण्डेले गरे । स्मारिका विमोचन संस्कृतिविद् एवं नेपाल प्रज्ञा प्रतिष्ठानका पूर्व उपकुलपति डा. जगमान गुरुङले गरे । स्वर्णजयन्ती वर्ष –२०८० का लागि निर्मित प्रवेशद्वार र हेल्थ केयर युनिट पोखराका मेयर धनराज आचार्यले गरेका थिए ।

स्वर्ण महोत्सव समापन समारोहमा पोखरा २७ का अध्यक्ष पूर्णकुमार गुरुङ, राष्ट्रिय परीक्षा बोर्ड गण्डकी प्रदेशका उपसचिव वसन्तराज पौडेल, पोखरा शिक्षा महाशाखाका अधिकृत बद्रीनाथ सुवेदी र संस्थापक भोजराज भण्डारी, पूर्व शिक्षक हेमराज आचार्यलगायतले बोलेका थिए । विद्यालय व्यवस्थापन समिति अध्यक्ष राजेन्द्रमणि लामिछानेको अध्यक्षतामा भएको कार्यक्रममा सहायक प्रधानाध्यापक शिवमणि भण्डारी र विद्यार्थीको तर्फबाट पदमराज सापकोटाले स्वागत मन्तव्य राखेका थिए भने कार्यक्रम सञ्चालन शिक्षक गणेश पौडेलले गरेका थिए ।

उक्त अवसरमा विविध सांस्कृतिक कार्यक्रम, पुरस्कार वितरण तथा विद्यालयको स्थापनाकालदेखि हालसम्म विभिन्न क्षेत्रबाट योगदान पु¥याउने चन्दादाता, जग्गादाता, अक्षयकोषदाताहरू, पूर्व शिक्षक, विद्यालय व्यवस्थापन समितिका पदाधिकारी, विद्यावारिधि गर्ने पूर्व विद्यार्थी एवं सरकारी सेवामा प्रथम श्रेणीमा सेवारत व्यक्तिहरू लगायत विद्यालयलाई सम्मान गरिएको थियो ।

स्वर्ण महोत्सवकै अवसरमा यसै वर्षदेखि पोखरा २७ द्वारा विद्यालयको कक्षा १२ मा अध्ययन गर्ने विद्यार्थीलाई विद्यार्थीकै इच्छाअनुसार कुनै एउटा सिपमूलक तालिम प्रदान गर्ने कार्यक्रम वडाअध्यक्ष पूर्णकुमार गुरुङले उद्घाटन गरे । कार्यक्रमअन्तर्गत प्रत्येक वर्ष छात्राहरुको लागि ब्युटी पार्लर र सिलाईमध्ये कुनै एक र छात्रहरूको लागि प्लम्बिङ, इलेक्ट्रिकल र हेयर कटिङ गरी ५ प्रकारका सिपमूलक तालिम सञ्चालन हुनेछन् ।

२०२५ सालमा स्थापित विद्यालयको ५६ औं वार्षिकोत्सव तथा त्रिदिवसीय स्वर्ण महोत्सवको बुधबार गण्डकी प्रदेशका मुख्यमन्त्री सुरेन्द्रराज पाण्डेले उद्घाटन गरेका थिए । विद्यालयमा हाल १ हजार ६३ जना विद्यार्थी अध्ययनरत छन् ।

Related News

सम्बन्धित समाचार

  • राष्ट्रिय माविमा पूर्व विद्यार्थीको सम्मान

    आदर्श समाज सम्वाददाता वैशाख ९, २०८१
    पोखरा । यस वर्ष हीरक महोत्सव मनाइरहेको राष्ट्रिय माध्यमिक विद्यालय, पोखरामा शनिबार पुनर्मिलन कार्यक्रम भएको छ । सो अवसरमा पोखरा…
  • हिमालय माविले स्वर्ण महोत्सव मनाउने

    आदर्श समाज सम्वाददाता वैशाख ९, २०८१
    पोखरा । अन्नपूर्ण ७ स्थित हिमालय माविले त्रिदिवसीय कार्यक्रम गरी स्वर्ण महोत्सव मनाउने भएको छ । विद्यालयले यही वैशाख १०…
  • ‘वन्यजन्तु संरक्षणमार्फत पर्यापर्यटन बढाऔं’

    श्रीभद्र पौडेल वैशाख ७, २०८१
    पोखरा । वन्यजन्तु संरक्षण गरी पर्यापर्यटन बढाउनुपर्ने एक कार्यक्रमका वक्ताले जोड दिएका छन् । पृथ्वीनारायण क्याम्पस प्राणीशास्त्र विभाग तथा प्राणीशास्त्र समाजको…
  • कन्या क्याम्पसमा प्राध्यापकको बिदाइ

    आदर्श समाज सम्वाददाता वैशाख ७, २०८१
    पोखरा । कन्या क्याम्पस पोखरा र प्राध्यापक संघको संयुक्त आयोजनामा प्राडा नरहरि उपाध्याय गौतम, सहप्राध्यापक घनबहादुर थापा र उपप्राध्यापक राजेन्द्रबहादुर…
  • पोखरा बहुमुखी क्याम्पसको क्यालेन्डर विमोचन

    आदर्श समाज सम्वाददाता वैशाख ३, २०८१
    पोखरा । पोखरा बहुमुखी क्याम्पसमा अध्ययनरत विभिन्न तह र संकायका विद्यार्थीलार्ई निशुल्क कम्प्युटर तालिम प्रदान गरिएको छ । विद्यार्थीलाई पाठ्यक्रमसँगै…

hero news full width