पोखरा । गण्डकी प्रदेश प्रशिक्षण प्रतिष्ठान आयोजना र जिल्ला समन्वय समिति महासंघ गण्डकी प्रदेश समिति समन्वयमा जिससका पदाधिकारीलाई सकारात्मक सोचसम्बन्धी तालिम दिइएको छ ।

जिल्ला समन्वय समिति महासंघ गण्डकी प्रदेश अध्यक्ष लीलाधर पौडेलले जिल्ला समन्वयका पदाधिकारीको कार्यसम्पादनमा सुधार ल्याउने उद्देश्यले बुधबार प्रशिक्षण दिइएको बताए ।

तालिममा जीवनकला र सकारात्मक सोच, जीवन व्यवस्थापन र कार्यसम्पादनका सीप, सुशासनमा सकारात्मक व्यहारको भूमिका, विकास व्यवस्थापन र सकारात्मक सोच विषयमा प्रशिक्षण दिइएको गण्डकी प्रदेश प्रशिक्षण प्रतिष्ठानका कार्यकारी निर्देशक ऋषिराम पाण्डेले बताए ।

कार्यक्रममा गण्डकी प्रदेश प्रशिक्षण प्रतिष्ठानका उपसचिव नारायणप्रसाद पौडेलले स्वागत गरेका थिए भने सञ्चालन उपसचिव मुना अधिकारीले गरिन् ।

गण्डकी प्रदेशका जिल्ला समन्वय समितिका प्रमुख, उपप्रमुख र जिल्ला समन्वय अधिकारी सहभागी प्रशिक्षणको सहजीकरण डा. राजु अधिकारीले गरेका थिए ।