पोखरा । गण्डकी प्रदेश सभाको हिउँदे अधिवेशन बुधबारदेखि सुरु भएको छ । असोज १२ देखि रोकिएको अधिवेशन झण्डै ६ महिनापछि बुधबार दिउँसो २ बजेदेखि सुरु भएको हो ।
अधिवेशनको पहिलो दिन संसद्मा रहेका चार वटै पार्टीका संसद्ीय दलका नेताहरुले सम्बोधन गरेका छन् । मुख्यमन्त्री समेत रहेका कांग्रेस संसदीय दलका नेता सुरेन्द्रराज पाण्डेले सरकार नागरिकले अनुभूति गर्नेगरी काम गरिरहेको बताए । सरसर्ती हेर्दा पुँजीगत खर्च कम देखिए पनि यसलाई आकाशै खसैझैं व्याख्या गर्नुपर्ने अवस्था नहरेको उनको भनाइ थियो । पुँजीगत खर्च पोहोरभन्दा थोरै कम रहेको भन्दै कानुनी र प्रशासनिक प्रक्रिया नै यस्तै भएकाले अब खर्च ह्वात्तै बढेर जाने उनको दाबी थियो ।
मुख्यमन्त्री र मन्त्रीहरु नागरिकसँग जोडिनुलाई अन्यथा नलिन समेत उनले आग्रह गरे । मुख्यमन्त्री र मन्त्री उद्घाटन, शिलान्यास र अन्तरक्रियामा बढी व्यस्त भएको गुनासो आफूले सुनेको भन्दै मुख्यमन्त्री पाण्डेले कार्यालयको काम प्रभाव नपर्ने यस्ता कार्यक्रमले आगमी दिनमा समेत निरन्तरता पाउने बताए ।
संघीयतालाई सबल बनाउने सिलसिलमा प्रदेश समन्वय परिषद्को बैठकका निर्णयहरुलाई संघमा पु¥याएको, हेटौंमा मुख्यमन्त्रीहरुको सम्मेलन गरी प्रधानमन्त्रीलाई ध्यानाकर्षण गराएको जानकारी उनले सदनलाई गराएका छन् । शिक्षा, स्वास्थ्य पूर्वाधार लगायतका क्षेत्रमा सरकारले उल्लेखनीय काम गरिरहेको भन्दै उनले प्रदेश सरकारले केही गरेन भन्ने भाष्य निर्माण गरिएकोप्रति दुख व्यक्त गरे । प्रदेशलाई सबल बनाउने सवालमा विपक्षी दलका नेताको समेत साथ लिएर आफू अघि बढेको उनको भनाइ थियो ।
विपक्षी दलका नेता खगराज अधिकारीले प्रदेश संरचनालाई बलियो बनाउने सवालमा सरकारले पारदर्शी भएर काम गर्नुपर्ने भन्दै यसका लागि आफूहरुको जहिल्यै साथ र समर्थन रहने बताए । सरकारका मन्त्रीहरु कार्यकर्ता केन्द्रित योजना वितरणमा रमाएको भन्दै उनले विपक्षी दलका सांसदलाई समेत नछुटाउन उनको सुझाव थियो ।
नेकपा माओवादी केन्द्र संसदीय दलका नेता हरिबहादुर चुमानले दोस्रो कार्यकालमा आइसक्दासम्म पनि सरकार र प्रदेश सभाले प्रभावकारी रुपमा काम गर्न नसकेको बताए ।
राप्रपा संसदीय दलका नेता पञ्चराम गुरुङले २०४६ साल यता राजनीतिक परिवर्तन भए पनि नागरिकले अनुभूति गर्ने गरी विकास हुन नसकेको बताए ।
बुधबारको बैठकमा आमसञ्चार विधेयक र बिउबिजन सम्बन्धी विधेयक आ–आफ्नै समितिमा दफावार छलफल गरेर सचिवालयमा फिर्ता भएको छ ।
प्रदेश सरकारले संसद् सचिवालयमा दर्ता गरेको प्राइभेट फार्म दर्ता गर्न बनेको ऐनको संशोधन विधेयक पनि संसद्मा ‘टेबुल’ गरेको छ ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
पौडी खेल्दा डुबेर पोखरामा २ बालकको मृत्यु
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१