पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ ।

नेपाल चार्टर्ड एकाउन्टेन्स संस्थाको व्यवस्थापनमा आगामी शुक्रबार यहाँ साफाको बैठक गर्ने तयारी भइरहेको हो । त्यसैगरी साफामहिला नेतृत्व अवार्ड समारोह, साफा हाजिरीजवाफ लगायतका प्रतियोगिता हुनेमा नेपाल, भारत, बंगलादेश, पाकिस्तान, श्रीलंकाका गरी सात समूहले प्रतिस्पर्धा गर्नेछन् ।

शनिबार पोखरा ग्रान्डमा साफाको बोर्ड बैठक समेत हुने नेपाल अडिर्टस एसोसिएसन केन्द्रीय सदस्य रुद्रनाथ पौडेलले बताए । सम्मेलनमा दिगो आर्थिक विकास, दिगो व्यावसायिक अभ्यास, जलवायु परिवर्तन तथा क्षति न्यूनीकरण, दिगो व्यावसायिक प्रतिवेदन तथा यस विषयमा क्षेत्रीय अनुभव आदानप्रदान गर्ने कार्यक्रम छ ।

कार्यक्रममा अर्थमन्त्री डा. प्रकाशशरण महत, गण्डकी प्रदेशका मुख्यमन्त्री सुरेन्द्रराज पाण्डे लगायत अन्य विशिष्ट महानुभावले सम्बोधन गर्ने कार्यसूची छ ।