पोखरा । कास्कीको पोखरा महानगरपालिका– १७ महतगौंडास्थित सेती नदीमा माछा मार्ने क्रममा बेपत्ता भएका एकजनाको शव भेटिएको छ । हराएका अर्का एकजनाको खोजी सुरक्षाकर्मीले गरिरहेको छ ।

माछा मार्न गएका ५ जनामध्ये सोही महानगरपालिका १ कसेरी बस्ने ४० बर्षका मंगा तामाङ मृत अवस्थामा ढुंगामा अड्किएको अवस्थामा सशस्त्र प्रहरी बल नेपाल नम्बर २४ कालिका गण कास्की बाट गएको गोताखोर र विपद् उद्दार टिम सहितको फौजले गए राति पौने १ बजे शव निकालेको हो ।

सोही ठाउँ बस्ने ४३ वर्षका रक्सेस तामाङको गोताखोर र विपद् उद्दार टिमले खोजी कार्य जारी राखेको छ । शव पोस्टमार्टमको लागि पश्चिमाञ्चल स्वास्थ्य विज्ञान प्रतिष्ठान पठाएको छ । माछा मार्न गएका अन्य ३ जना भने सकुशल रहेको सशस्त्र प्रहरी बलका सहप्रवक्ता डिएसपी शैलेन्द्र थापाले बताए ।