पोखरा । पोखरा २० स्थित हिमालय मावि मौजाको ५२ औं वार्षिकोत्सव अभिभावक दिवस पुरस्कार वितरण, शिलालेख अनावरण तथा स्वर्ण महोत्सव स्मारिका विमोचन कार्यक्रम शुक्रबार सम्पन्न भएको छ ।

पोखरा २० का अध्यक्ष गंगाबहादुर केसीले कार्यक्रम उद्घाटन गर्दै विद्यालयको शैक्षिक स्तर उकास्न विद्यार्थी, शिक्षक तथा अभिभावकको महŒवपूर्ण भूमिका रहने बताए ।

उनले दिन प्रतिदिन गाउँका विद्यालयमा विद्यार्थी संख्या घट्दै गएकोप्रति चिन्ता गर्दै तेसो हुन नदिन वडा कार्यालयबाट गर्नुपर्ने सबैखालका सहयोग गर्ने प्रतिबद्धता व्यक्त गरे ।
विद्यालय व्यवस्थापन समितिका अध्यक्ष हरिप्रसाद गुरुङको अध्यक्षतामा भएको कार्यक्रममा स्वर्ण महोत्सवका अवसरमा आर्थिक सहयोग प्रदान गर्ने व्यक्ति तथा संघ संस्थाको नाम उल्लेखित शिलालेख र स्वर्णमहोत्सव स्मारिका विमोचन गरियो । सो अवसमार चन्दादाताहरु र नेपाल पत्रकार महासंघ कास्कीका सहसचिव तथा फेवापोस्ट साप्ताहिकका सहायक सम्पादक श्रीराम सिग्देललाई सम्मान गरिएको थियो ।

कार्यक्रममा हिमालय मावि स्वर्ण महोत्सव मूल आयोजक समिति संयोजक सु. हुमबहादर गुरुङ, स्मारिका प्रकाशन उपसमिति संयोजक राम गुरुङ, स्मारिका प्रकाशन उपसमिति सदस्य तथा प्राध्यापक कमल गुरुङ, स्वर्ण महोत्सव अर्थ उपसमिति संयोजक क्या. हिम्मत गुरुङ, सीता आविका प्रधानाध्यापक इन्द्रप्रसाद बाँस्तोला, विद्यालयका पूर्व प्रअ शेषकान्त आचार्यलगायतले बोलेका थिए ।

विद्यालयका प्रधानाध्यापक मणिराज परियारले विद्यालयको वार्षिक प्रतिवेदन पेस गरे । शिक्षिका राधा आचार्य सिग्देल तथा विद्यार्थी हेमानी नेपालीले स्वागत मन्तव्य राखे । सहायक प्रअ डोलराज रेग्मीले कार्यक्रम सञ्चालन गरेका थिए ।