सबलाइम माविको २८ औं वार्षिकोत्सव

आदर्श समाज सम्वाददाता
फागुन १३, २०८०
sublime-samman

पोखरा । पोखरा महानगरपालिका वडा नं. ७ रत्नचोकस्थित सबलाइम अंग्रेजी माविको २८ औं वार्षिकोत्सव एवं अभिभावक दिवस मनाइएको छ । सो अवसरमा विद्यालयका पूर्व विद्यार्थीलाई सम्मान, वार्षिक परीक्षामा सर्वोत्कृष्ट अंक ल्याउने विद्यार्थीलाई पुरस्कार वितरण गरिएको थियो । साथै प्रत्येक कक्षाका विद्यार्थीले विविध सांस्कृतिक कार्यक्रम प्रस्तुत गरेका थिए ।

सम्मानित हुनेमा पूर्व विद्यार्थी पत्रकार हरि पन्त, चाटर्ड एकाउन्टेन्ट विक्रम पराजुली, चिकित्सक डा. प्रतीक्षा पौडेल, इन्जिनियर राजन पौडेल, पाइलट राजन कार्की, गायक सुमन खड्का, सर्प विशेषज्ञ रोहित गिरी छन् ।

कार्यक्रम शुभारम्भ गर्दै शिक्षा विकास तथा समन्वय इकाई कार्यालयका प्रमुख लोकनाथ आर्चायले हरेक विद्यार्थी केही केही विद्यामा निपूर्ण हुने बताए । अभिभावकले आफ्ना बाबुनानी पढाइमा कमजोर भए भन्दैमा चिन्ता गर्न नहुने भन्दै उनले बाबुनानीको रुची के मा छ त्यतातर्फ ध्यान दिन आवश्यक गरेको बताए ।
प्याब्सन केन्द्रीय उपाध्यक्ष बीरबहादुर बुढाथोकीले सबलाइमले छोटो समयमै लामो फड्को मारेको बताए । उनले सबलाइम मावि पोखराका उत्कृष्ट विद्यालयभित्र पर्ने दावी गरे ।

पोखरा ७ का वडाध्यक्ष राममोहन आचार्यले विद्यालयले गर्ने हरेक कार्यमा सहकार्य गर्न तयार रहेको बताए ।

कार्यक्रममा प्याब्सन केन्द्रीय सल्लाहकार गणेशमान सिंह भण्डारी, प्याब्सन केन्द्रीय उपाध्यक्ष वीरबहादुर बुढाथोकी, प्याब्सन कास्की अध्यक्ष मथुराप्रसाद पौडेल, गण्डकी प्रदेश सचिव विश्वराज बास्तोला, राष्ट्रिय परीक्षा बोर्ड गण्डकी प्रदेश परीक्षा व्यवस्थापन कार्यालयकी वरिष्ठ अधिकृत ईश्वरी शाह पाण्डे, प्याब्सन कास्की उपाध्यक्ष विष्णुप्रसाद तिमिल्सिना, हिसान कास्कीका उपाध्यक्ष दिवाकर जैसी, अभिभावक सुरेश रानाभाटलगायतले बोलेका थिए ।

विद्यालयका प्राचार्य पुष्पराज पराजुलीले वार्षिक प्रतिवेदन प्रस्तुत गर्दैै विद्यालयको गतिविधिबारे चर्चा गरेका थिए ।

विद्यालय व्यवस्थापन समितिका अध्यक्ष एवं विद्यालय निर्देशक त्रिभुवन पराजुलीको अध्यक्षतामा भएको कार्यक्रमको सञ्चालन नेपाली विभाग प्रमुख कमलापति शर्मा र विद्यार्थीहरुले गरेका थिए ।

२०५२ सालमा स्थापित विद्यालयमा हाल १ हजार १ सय विद्यार्थी अध्ययनरत छन् ।

Related News

सम्बन्धित समाचार

  • राष्ट्रिय माविमा पूर्व विद्यार्थीको सम्मान

    आदर्श समाज सम्वाददाता वैशाख ९, २०८१
    पोखरा । यस वर्ष हीरक महोत्सव मनाइरहेको राष्ट्रिय माध्यमिक विद्यालय, पोखरामा शनिबार पुनर्मिलन कार्यक्रम भएको छ । सो अवसरमा पोखरा…
  • हिमालय माविले स्वर्ण महोत्सव मनाउने

    आदर्श समाज सम्वाददाता वैशाख ९, २०८१
    पोखरा । अन्नपूर्ण ७ स्थित हिमालय माविले त्रिदिवसीय कार्यक्रम गरी स्वर्ण महोत्सव मनाउने भएको छ । विद्यालयले यही वैशाख १०…
  • ‘वन्यजन्तु संरक्षणमार्फत पर्यापर्यटन बढाऔं’

    श्रीभद्र पौडेल वैशाख ७, २०८१
    पोखरा । वन्यजन्तु संरक्षण गरी पर्यापर्यटन बढाउनुपर्ने एक कार्यक्रमका वक्ताले जोड दिएका छन् । पृथ्वीनारायण क्याम्पस प्राणीशास्त्र विभाग तथा प्राणीशास्त्र समाजको…
  • कन्या क्याम्पसमा प्राध्यापकको बिदाइ

    आदर्श समाज सम्वाददाता वैशाख ७, २०८१
    पोखरा । कन्या क्याम्पस पोखरा र प्राध्यापक संघको संयुक्त आयोजनामा प्राडा नरहरि उपाध्याय गौतम, सहप्राध्यापक घनबहादुर थापा र उपप्राध्यापक राजेन्द्रबहादुर…
  • पोखरा बहुमुखी क्याम्पसको क्यालेन्डर विमोचन

    आदर्श समाज सम्वाददाता वैशाख ३, २०८१
    पोखरा । पोखरा बहुमुखी क्याम्पसमा अध्ययनरत विभिन्न तह र संकायका विद्यार्थीलार्ई निशुल्क कम्प्युटर तालिम प्रदान गरिएको छ । विद्यार्थीलाई पाठ्यक्रमसँगै…

hero news full width