हेमजा । टोल विकास संस्था समन्वय समिति पोखरा २५ हेमजाको आयोजना तथा वडा नम्बर २५ वडा कार्यालयको आर्थिक सहयोगमा सरसफाइ सामग्री हस्तान्तरण एवं प्रशिक्षण कार्यक्रम आइतबार भएको छ ।

पोखरा महानगरपालिकाका प्रवक्ता वडाध्यक्ष मोतिराज तिमिल्सिनाले कार्यक्रम आयोजना गरेकोमा धन्यवाद दिँदै भाषणभन्दा काम गर्नुपर्ने बताए । वडालाई सफा र हरियाली बनाउन सबै मिल्नु पर्ने भन्दै उनले महानगरले ग्रिन सिटीको अवधारणा सुरु भएको उल्लेख गरे । वडा सदस्य कृष्णबहादुर कुँवरले टोल विकास संस्थाले जनप्रतिनिधिसँग सहकार्य गर्नुपर्ने बताउँदै फोहोर कार्ड दर्ता भएपछि कर तिर्नुपर्ने हुनुपर्नेमा पहिलेदेखिको कर तिर्नु परेको उल्लेख गरे ।

नेपाली कांग्रेस पोखरा २५ का सचिव झंकनाथ तिमिल्सिनाले सरसफाइ गर्न कुरा मात्र गर्नु भन्दा आफ्नो टोल आफै सफा गरे वडा आफै सफा हुने बताए । नेकपा एमाले पोखरा २५ का अध्यक्ष ऋषिराम पौडेलले कार्यक्रम सफलताको शुभकामना दिँदै वडा सफा बनाउन सबै लाग्नुपर्ने बताए । माओवादी केन्द्र पोखरा २५ का अध्यक्ष महादेव अधिकारीले सरसफाइ एक पटक मात्र गरेर नहुने बताए । राष्ट्रिय प्रजातन्त्र पार्टी कास्कीका सदस्य कृष्णप्रसाद सुवेदीले पदमा बस्नु ठूलो कुरा नभएको उल्लेख गर्दै काम गर्नुपर्ने बताए ।

कार्यक्रममा पोखरा महानगरपालिका कार्यपालिका सदस्य एवं वडा नम्बर २५ का सदस्य धनकुमारी पोखरेल तिमिल्सिना, पोखरा महानगरपालिका वातावरण सरसफाइ महाशाखा प्रमुख कल्पना बराल, पोखरा महानगरपालिका गुनासो सुनुवाइ प्रमुख लोकदर्षण कोइराला र महिला सञ्जाल पोखरा २५ हेमजाका अध्यक्ष अप्सरा तिमिल्सिना लगायतले बोलेमन थिए । प्रशिक्षक भीमप्रसाद श्रेष्ठ, चोलाकान्त पौडेल र दानबहादुर भुजेलले प्रशिक्षण दिएका थिए ।

समितिका अध्यक्ष दानबहादुर भुजेलको अध्यक्षतामा भएको कार्यक्रममा स्वागत कोषाध्यक्ष बलराम पराजुलीले र सञ्चालन सहसचिव कृष्णमान श्रेष्ठले गरेका थिए ।