पोखरा । वन विज्ञान अध्ययन संस्थान, पोखरा क्याम्पसद्वारा आयोजित दुईदिने ‘विज्ञान, प्रविधि र नवप्रवर्तनका क्षेत्रमा देखापरेका प्रवृत्तिहरू’ विषयक सम्मेलन आउँदो वर्ष–२०८१ मा पोखरा विश्वविद्यालयमा गर्ने प्रतिबद्धतासहित सम्पन्न भएको छ । गण्डकी प्रदेश नीति तथा योजना आयोगका उपाध्यक्ष डा. कृष्णचन्द्र देवकोटाको प्रमुख आतिथ्यमा सम्मेलन समापन गरिएको हो । समापन समारोहमा डा.देवकोटाले आगामी वर्षदेखि विश्वविद्यालयहरूसँग सहकार्य गरी अनुसन्धान कार्यलाई अघि बढाइने र उक्त अनुसन्धानको निष्कर्षहरूका आधारमा गण्डकी प्रदेश सरकार र स्थानीय तहको विकास योजना तयार पारिने बताए ।
दोस्रो दिनको प्राविधिक सेसनका प्रमुख वक्ता नेपाल स्वास्थ्य अनुसन्धान परिषद्का वरिष्ठ अनुसन्धानकर्ता डा. मेघनाथ धिमालले युवा पिँढीका शोधकर्ताहरूले सहकार्य र समन्वयका आधारमा नीतिगत पक्षमा टेवा पुग्ने अनुसन्धान, अन्तरविषयको प्रवद्र्धन, वैज्ञानिक प्रकाशनहरू, स्रोत परिचालन तथा व्यक्तिगत, पेसागत र व्यावसायिकताको विकासलाई प्राथमिकतामा राखेर अघि बढ्नुपर्ने बताए ।
‘विज्ञान, प्रविधि र नवप्रवर्तनका क्षेत्रमा देखापरेका प्रवृत्तिहरू–२०८०’ सम्मेलन सम्पन्न
पहिलो दिनको औपचारिक सत्रको उद्घाटन नेपाल विज्ञान तथा प्रविधि प्रज्ञा–प्रतिष्ठान (नास्ट) का उपकुलपति प्राडा दिलीप सुब्बाले गरेका थिए । सम्मेलन सु? भएको दिनमा प्रमुख वक्ता नोबेल पुरस्कार विजेता डा. सर रिचर्ड जोन रोबर्टले मन्तव्य राखेका थिए । सर रिचार्ड जोन रोबर्ट्स संयुक्त राज्य अमेरिकास्थित न्यू इङ्ल्यान्ड बायोल्याब्सका प्रमुख वैज्ञानिक हुन् । उनले सम्मेलनमा नेपाल आउन पाएकोमा खुसी व्यक्त गर्दै आफ्ना जीवन भोगाइ, नोबेल पुरस्कारको यात्रा र सफलताका रोचक कथाहरू सुनाएका थिए । ‘मानिसले सफल हुनका लागि मेहनत गर्नुपर्छ र त्यसमा भाग्यले पनि साथ दिनुपर्छ । असफलताबाट सिक्दै अघि बढ्नुपर्छ जीवनको मर्म नै त्यही हो’ भनेका थिए ।
दुई दिने सम्मेलन अवधिमा देश विदेशका विभिन्न अनुसन्धानकर्ताहरूले विज्ञान, प्रविधि र नवप्रवर्तनका क्षेत्रमा आफूले प्राप्त गरेका ज्ञान, सीप, अनुभव तथा अनुसन्धानको निष्कर्षबारे सामूहिक ?पमा छलफल गरेका थिए । सम्मेलन अवधिमा विभिन्न ७६ वटा प्रस्तुति र ३२ वटा विषयगत पोस्टरहरू प्रस्तुत गरिएका थिए । वन विज्ञान अध्ययन संस्थानका डीन प्राडा वीरबहादुर खनाल क्षेत्री र सहआयोजक संस्था जिपास्टका निर्देशक डा. ढाकाराम भण्डारीले सम्मेलन सफल र फलदायी रहेकोमा खुसी व्यक्त गरेका थिए । पोखरा विश्वविद्यालयका अनुसन्धान निर्देशक नवराज धामीले आगामी वर्ष २०८१ को माघ महिनामा पोखरा विश्वविद्यालयमा आयोजना गरिने विज्ञान तथा प्रविधि सम्मेलनमा सहभागी हुनका लागि सबैलाई अनुरोध गरे ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१