पोखरा । गण्डकीमा यही १३ फागुनदेखि बालबालिकालाई दादुरा रुबेलाविरुद्धको खोप दिइने भएको छ । दादुरा रुबेला खोप अभियानअन्तर्गत प्रदेशका ११ जिल्लाका साढे २ लाख बालबालिकालाई खोप दिइने बिहीबार पत्रकार सम्मेलनमा स्वास्थ्य निर्देशनालय पोखराले जनायो ।
यो अभियान १३ फागुनदेखि ७ चैतसम्म चल्ने स्वास्थ्य निर्देशनालयका नि. महानिर्देशक हेमन्त शर्मा पौडेलले बताए । प्रदेशका २ हजार ८ सय ८९ खोप सेसनबाट २ लाख ५३ हजार ३५ बालबालिकालाई खोप दिइने उनले बताए । ‘यसका लागि २ हजार ८ सय ८९ स्वास्थ्यकर्मी र ५ हजार ७ सय ७८ स्वयंसेवक परिचालित हुनेछन्,’ उनले भने, ‘साथै समुदायमा रहेको लक्षित समूहको कुनै पनि बालबालिका यो खोपबाट वञ्चित नहुन् भनी बढी सजगता अपनाइएको छ ।’
स्वास्थ्य तथा जनसंख्या मन्त्रालयले सन् २०२६ सम्म नेपालबाट दादुरा रुबेला रोग निवारण गर्ने लक्ष्य राखेको छ । यो लक्ष्य हासिल गर्न हाल विश्व स्वास्थ्य संगठनको दक्षिण पूर्वी एसियाको क्षेत्रीय बैठकमा ११ मुलुकका सरकारतर्फबाट प्रतिनिधित्व गर्दै नेपाल सरकारले पनि यसमा प्रतिबद्धता गरेको छ ।
यद्यपि ४५ वर्षदेखि दादुराको खोप र १२ वर्षदेखि रुबेला समेत संयुक्त रुपमा दादुरा रुबेलाको खोप नेपालभित्रका १६ हजारभन्दा बढी खोप केन्द्रबाट दिँदै आइएको छ । सन् २००४ देखि हालसम्म हरेक ४÷४ वर्षमा अभियानको रुपमा पनि यो खोप लगाइँदै आएको छ । यस वर्ष नेपालका १८ जिल्लामा २० महामारी फैलिई करिब १ हजार ३ सयभन्दा बढी मानिसहरु यी रोगबाट प्रभावित भएको उनले बताए । गण्डकीमा पनि केही समयअघि तनहूँको शुक्लागण्डकी नगरपालिकामा दादुरा रुबेलाको महामारी देखापरेको उनले सुनाए ।
प्रदेशमा १० जिल्लामा दादुरा रुबेला खोप अभियानमा ९ महिना पूरा गरेका र ५ वर्षभित्र उमेर समूहका सबै बालबालिकाहरुलाई दादुरा रुबेलाको खोप दिइनेछ । नियमित खोप लगाउन छुट भएका ५ वर्षमुनिका बालबालिकाहरुलाई छुट खोपको मात्रा समेत प्रदान गर्ने व्यवस्था मिलाइएको उनले बताए । बर्दघाट सुस्ता पूर्व जिल्लामा यस अभियानमा ९ महिनादेखि १५ वर्षमुनिका बालबालिकालाई यो खोप दिइने कार्यक्रम छ ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१