पोखरा । राजस्व नउठेपछि पोखरा महानगरपालिकाले योजना र रकम कटौती गर्ने भएको छ । २५ प्रतिशत योजना कटौती गर्न महानगरपालिकाले वडा र महाशाखालाई निर्देशन दिएको हो । प्रक्षेपित राजस्व र संघ तथा प्रदेशबाट आउने अनुदान घट्ने भएकोले योजनामा कटौती गर्न वडालाई निर्देशन दिइएको महानगरले जनाएको छ । प्रमुख प्रशासकीय अधिकृत श्यामकृष्ण थापाले अबदेखि नयाँ योजना सम्झौता र कार्यान्वयन नगर्न सूचना पठाएका छन् । उनले योजनाहरुमा छुट्याइएको कन्टिन्जेन्सी रकम खर्च नगर्न, हालसम्म सम्झौता नभएका योजनाहरु कार्यान्वयन नगर्न, थप योजनामा रकमान्तर नगर्न भनेका छन् ।
कुनै योजनामा बचत भएको रकम अन्य योजनामा रकमान्तर नगर्न प्रशासनिक खर्चमा मितव्ययिता अपनाउन र कार्यक्रम खर्च तथा योजनाहरु २५ प्रतिशत कटौती गरेर मात्रै सम्झौता र कार्यान्वयन गर्न भनिएको हो । निर्देशनलाई कडाइका साथ कार्यान्वयन गर्न पत्रमा भनिएको छ । ‘प्रक्षेपित राजस्व उठ्ने सम्भावना कम भएको तथा समानीकरण र राजस्व बाँडफाँटको आम्दानी हुनुपर्ने रकम समेत अनुमान भन्दा कम आउने भएकोले निर्देशनलाई कडाइका साथ कार्यान्वयन गर्न अनुरोध छ,’ पत्रमा भनिएको छ ।
पोखरा महानगरले गत असारमा चालु वर्षका लागि ७ अर्ब १५ करोडको बजेट सार्वजनिक गरेको थियो । ३ हजार भन्दा बढी योजनाहरु रातो किताब (वार्षिक विकास कार्यक्रम) मा समेटिएका छन् ।
पूरा बजेटमध्ये २ अर्ब २७ करोड आन्तरिक आम्दानी हुने अनुमान थियो । तर आम्दानी १ अर्ब घट्ने लगभग निश्चित भइसकेको छ । ‘आन्तरिक आम्दानी गर्ने क्षमता नै त्यत्रो छैन,’ लेखा शाखा प्रमुख जयराम पौडेलले भने, ‘योजनाको संख्या बढाउन उठ्दै नउठ्ने राजस्व अनुमान गरिएको थियो । अहिले त्यसकै असर परेको हो ।’ संघ सरकारले अन्तिम किस्ता वापतको २५ प्रतिशत समानीकरण अनुदान घटाउने उनले बताए । पोखराले हालसम्म ६८ करोड रुपैयाँ आन्तरिक राजस्व संकलन गरेको छ ।
‘बजेटको आकार हेर्दा ७५ प्रतिशतभन्दा बढी योजना कार्यान्वयन गर्न सक्ने अवस्था छैन,’ उनले भने, ‘कि रकम घटाएर सम्झौता गर्नुप¥यो कि योजना नै घटाउनुप¥यो ।’ पूरा बजेटमध्ये अघिल्लो वर्ष सम्पन्न भएका योजनाको ३२ करोड भुक्तानी यो वर्ष दिनुपर्ने छ भने बहुवर्षीय योजनाका लागि थप १६ करोड विनियोजन गरिएको छ । कार्यान्वयनमा गइसकेका योजनाको भुक्तानी भने हुने महानगरले जनायो । वडालाई नै सशक्त बनाउने अभियान भन्दै महानगरले साढे २ करोडदेखि पौने ५ करोडसम्म वडालाई नै हस्तान्तरण गरेको छ । ती रकमको योजना सम्झौता र फरफारक वडाबाटै हुन्छन् ।
महानगरका प्रवक्ता मोति तिमिल्सिनाले भने योजना सम्झौतामा यो निर्देशनले असर नगर्ने दाबी गरे । उनले मितव्ययिता अपनाउन र योजनाको काम छिटो गर्न निर्देशन जारी गरिएको बताए । ‘संघ सरकारबाट अन्तिम किस्ता नआउने अवस्था भयो । राजस्व पनि मन्दीका कारण उठ्ने भएन,’ उनले भने, ‘योजना नै रोक्ने भन्ने होइन, मितव्ययिता गर्ने निर्देशन हो । सम्झौता हुन बाँकी रहेका योजना छिटो गर्नुस् भनेको हो ।’
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१