पोखरा । लामागाउँ गुम्बा एफसीले बिटी कप खुला फुटबल प्रतियोगिताको उपाधि जितेको छ । बुद्धटोल युवा (बिटी) क्लब आयोजनामा भएको सातौं वीरेन स्मृति १७ औं बिटी कप खुला फुटबल प्रतियोगिताको फाइनलमा एट टु नाइन एफसीलाई १–० गोल अन्तरले पराजित गर्दै लामागाउँ च्याम्पियन बनेको हो ।

उपाधि जिताउन अनुज भण्डारीले निर्णायक गोल गरे । उपाधिसँगै लामागाउँ गुम्बाले १ लाख ७१ हजार १ सय ११ रुपैयाँ, सिल्ड तथा मेडलसहित प्रमाणपत्र प्राप्त ग¥यो । उपविजेता एट टु नाइन एफसीले १ लाख ५ हजार ५ सय ५५ रुपैयाँ, सिल्ड तथा मेडलसहित प्रमाणपत्र हात पा¥यो ।

सर्वाेत्कृष्ट खेलाडी लामागाउँ गुम्बाका सन्तोष गुरुङ घोषित भए । उनलाई १० हजार प्रदान गरिएको क्लब अध्यक्ष असिम थापाले बताए । सोही टिमकै अञ्जन क्षेत्री उत्कृष्ट गोलरक्षक बने । यस्तै सर्वाधिक गोलकर्ताका रुपमा एलसी ब्रदर्शका अजित गुरुङ, उत्कृष्ट मिडफिल्डरका रुपमा एट टु नाइन एफसीका मनिल गुरुङ, उत्कृष्ट मिडफिल्डरका रुपमा सोही टिमकै धुव्र घिमिरे ट्रफि र जनही ८ हजारसहित पुरस्कृत भए ।

अनुशासित टिम एन टु क्याफे टुंडिखेल बन्यो । उसले १० हजारसहित ट्रफी पायो ।

विजेतालाई कास्कीका प्रमुख जिल्ला अधिकारी बासुदेव घिमिरे, जिल्ला प्रहरी कार्यालय कास्की प्रमुख एसपी मोहनकुमार थापा, क्लबका सल्लाहकार, क्लबका अध्यक्ष तथा आर्थिक सहयोगीदाताले पुरस्कार वितरण गरेका थिए ।
गत १ फागुनदेखि पोखराको पुरानो टुँडिखेलमा सञ्चालित प्रतियोगितामा ५६ टिमको सहभागिता थियो ।