पोखरा । नेपाल प्रहरी श्रीमती संघ गण्डकी प्रदेश पोखराले बागलुङको मानव सेवा आश्रममा खाद्यान्न तथा शैक्षिक सामग्री वितरण गरेको छ ।

‘सेवा नै मुल धर्म हो’ भन्ने पवित्र भावनालाई आत्मसात गर्दै संघले उक्त आश्रममा आश्रित ज्येष्ठ नागरिक तथा बालबालिकालाई खाद्यान्न तथा शैक्षिक सामग्री वितरण गरिएको हो ।

नेपाल प्रहरी श्रीमती संघ गण्डकी प्रदेशका पदाधिकारीहरुको उपस्थितिमा संघकी अध्यक्ष कमला खनालले पानसमा दिप प्रज्ज्वलन गरी कार्यक्रम उद्‌घाटन गरेकी थिइन् ।

कार्यक्रमकै अवसरमा संघका पदाधिकारीले बाग्लुङ कालिका भगवती मन्दिरको समेत दर्शन गरेका छन् । साथै संघ प्रति आभार तथा धन्यवाद व्यक्त गर्दै आश्रमका प्रतिनिधिहरुले भावी दिनमा समेत सहयोगको अपेक्षा रहेको बताएका थिए ।