पोखरा । कर्माचार्य समाज, कास्कीका अध्यक्ष, समाजसेवी तथा उद्योगपति चन्द्रकृष्ण कर्माचार्यका पत्नी लक्ष्मीसुन्दरी कर्माचार्यको स्मृतिमा मृगौला पीडित सहयोग कोष स्थापना गरिएको छ । लक्ष्मी सुन्दरी कर्माचार्यको मृगौला सम्बन्धी उपचारको क्रममा गत पुस २४ गते निधन भएको थियो ।

४५ दिनको पुन्य तिथि पारेर उक्त कोष स्थापना गरिएको हो ।

कोषवाट प्राप्त १ लाख रुपैयाँ वार्षिक रुपमा कास्की जिल्लाको नागरिकता भएकी, जो मृगौला रोगवाट पिडित भई सरकारी अस्पताल वा स्वास्थ्य केन्द्रमा निशुल्क डायलसिस गरेकी विपन्न वर्ग महिला एकजनालाई एकमुष्ट रकम सहयोग प्रदान गरिने छ ।

यस वर्ष २०८० को सहयोग रकम आगामी जेठ २०८१ मा ६ महिनाको तिथिमा प्रदान गर्ने दाता चन्द्रकृष्ण कर्माचार्यले जानकारी दिए । उक्त सहयोग कोष सञ्चालन तथा कार्यान्वन गर्न कर्माचार्य समाज, कास्की तथा कमास्चार्य महिला समाज कास्कीलाई संयुक्त रुपमा जिम्मेवारी दिएको जानकारी कर्माचार्य समाज कास्कीका सचिव ईश्वरप्रसाद कर्माचार्यले दिए ।