पोखरा । टीम पोखरा मल्टिपर्पोज प्रालि आयोजनामा रक्तदान कार्यक्रम भएको छ । जसमा १ सय ५ युनिट रगत संकलन भयो ।

युवा व्यवसायीद्वारा स्थापित टीम पोखरा मल्टि पर्पोेजको दोश्रो वार्षिकोत्सव अवसरमा भएकाे कार्यक्रमको पोखरा ८ का वडाध्यक्ष रुद्रनाथ बरालले कार्यक्रम संयोजक कम्पनी सदस्य दिनेशकुमार जिसीलाई ब्लडब्याग हस्तान्तरण गरी उद्घाटन गरेका थिए ।

वडाध्यक्ष बरालले युवा विदेश पलायन भइरहेको अवस्थामा स्थापित टीम पोखरा मल्टि पर्पोेज प्रालिले व्यवसायसँगै सामाजिक कामलाई अनुसरण गरेकोमो धन्यवाद दिए ।

कार्यक्रममा समाजसेवी राजु पौडेल, नेपाल फर्निचर तथा फर्निसिङ व्यवसायी संघ कास्की अध्यक्ष पूर्णशोभा गुरुङ लगायतले शुभकामना मन्तव्य व्यक्त गरेका थिए ।

नेपाल रेडक्रस सोसाइटी प्रादेशिक रक्तसञ्चार केन्द्र गण्डकी प्रतिनिधि यमुना केसीले प्रत्येक ३ महिनामा खेर जाने रगत दान गरी रगत अभाव पूरा गर्न सहयोग गरेकोमा सम्पूर्ण रक्तदातालाई धन्यवाद दिइन् ।

कम्पनी अध्यक्ष नारायण खत्रीको अध्यक्षतामा भएको कार्यक्रममा संस्थाका उपाध्यक्ष पुष्कल ढकालले स्वागत र सचिव रावत लामाले संचालन गरे । धन्यवाद ज्ञापन कार्यक्रम संयोजक जिसीले गरे ।