मादीको स्थापना दिवसमा भलिबल प्रतियोगिता

आदर्श समाज सम्वाददाता
फागुन ९, २०८०
madi

पोखरा । कास्कीको मादीमा प्रथम पालिकास्तरीय अध्यक्ष कप भलिबल प्रतियोगिता हुने भएको छ । गाउँपालिका स्थापना दिवसको अवसर पारेर आयोजित प्रतियोगिता यही फागुन २७, २८ र २९ मा हुनेछ ।

प्रतियोगितामा सहभागिताका लागि गण्डकीका सबै पालिकालाई पत्राचार गरिएको छ । प्रतियोगी टिममा प्रदेशवासी बाहेक अन्य समावेस गर्न नपाइने गाउँपालिका अध्यक्ष देवीजंग गुरुङले जानकारी दिए । ‘टिममा पूरै खेलाडी राष्ट्रियस्तरका भए पनि केही फरक पदैर्न, तर पालिकावासी हुन अनिवार्य छ,’ उनले भने ।

प्रतियोगिता विजेताले ३ लाख, उपविजेताले २ लाख, तृतीय हुनेले १ र सान्त्वना स्थान प्राप्त गर्नेले ५० हजार रुपैयाँ पुरस्कार प्राप्त गर्नेछन् । विधागतरुपमा उत्कृष्ट खेलाडीले पनि पुरस्कार प्राप्त गर्नेछन् ।

यस अवसरमा कर्मचारी र जनप्रतिनिधिबीच मैत्रीपूर्ण भलिवल, पालिकाभित्रका विद्यालयका शिक्षकहरुबीच हाजिरीजवाफ प्रतियोगिता समेत आयोजना गरिएको छ ।

हाजिरीजवाफमा प्रथम हुने टिमले १५ हजार, द्वितीय हुनेले १० हजार र तृतीय हुनेले ५ हजार रुपैयाँ पुरस्कार प्राप्त गर्ने अध्यक्ष गुरुङले जानकारी दिए ।

यसैगरी पालिका भित्रका उत्कृष्ट शिक्षक, कर्मचारी, स्वयंसेविका, कृषक, सहकारी, उपभोक्ता समिति, टोल सुधार समितिका साथै महत्वपूर्ण व्यक्तित्वलाई नगदसहित सम्मान गरिने उनले बताए ।

साथै पालिका भित्रका ज्येष्ठ नागरिकमध्येबाट ग्राम पिता र माता सम्मान गर्ने कार्यक्रमसमेत राखिएको छ ।

सो अवसरमा प्रत्येक वडाबाट स्थानीय स्तरमा प्रचलित सांस्कृति झाँकी प्रदर्शन, स्थानीय कलाकारद्वारा स्वागत गीत र जनप्रतिनिधिबाट नृत्य प्रस्तुत हुनेछ ।

पालिकाको मुख्य आधार पर्यटन र संस्कृतिको प्रचार प्रसार गर्न, स्थानीय तहबाट नै राष्ट्रिय र अन्तर्राष्ट्रिय स्तरका खेलाडी उत्पादन र तयार गर्न प्रतियोगिता कोसेढुंंगा सावित हुने अध्यक्ष गुरुङको विश्वास छ ।

प्रतियोगिताका खेलहरु याङ्जाकोटमै हुनेछ । स्थानीय मिलन युवा क्लबले सहआयोजकको भूमिका निर्वाह गर्ने बताइएको छ ।

Related News

सम्बन्धित समाचार

  • तनहुँको फ्रेन्डसीप क्लबलाई फुटबल उपाधि

    आदर्श समाज सम्वाददाता वैशाख ७, २०८१
    लमजुङ । ‘सुखी गाउँ’ घलेगाउँमा नयाँ वर्ष अवसरमा सञ्चालित सातौं स्मार्ट भिलेज गोल्ड फुटबल कप उपाधि तनहुँको फ्रेन्डसीप क्लबले जितेको…
  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…

hero news full width