सूर्य नेपाल वेस्टर्न ओपन पोखरामा

आदर्श समाज सम्वाददाता
फागुन ९, २०८०
Golf Photo Main

पोखरा । सूर्य नेपाल गल्फ टुर–२०२३÷२४ अन्तर्गत चौथो प्रतियोगिता सूर्य नेपाल वेस्टर्न ओपन बुधबारदेखि हिमालयन गल्फ क्लबमा सुरू हुँदैछ । ३ दिनसम्म चल्ने प्रतियोगिता ५४ होलको हुनेछ ।

राजधानी काठमाडौं बाहिर हुने २ प्रतियोगितामध्ये एक सूर्य नेपाल वेस्टर्न ओपनमा ५० खेलाडीले भाग लिने प्रोफेसनल गल्फ संघ नेपालका महासचिव दीपक आचार्यले बताए । जसमा ३५ प्रोफेसनल र १५ एमेच्योर खेलाडीले प्रतिस्पर्धा गर्ने छन् ।

प्रतियोगिताको ३६ होलको समाप्तिमा कट लागु हुनेछ । जहाँ २१ टप प्रोफेसनल खेलाडीले अन्तिम १८ होलको लागि स्थान बनाउने छन् । एमेच्योर खेलाडीको हकमा पनि प्रोफेसनल खेलाडीको कटमा पर्नेले मात्र अन्तिम १८ होलमा प्रतिस्पर्धा गर्ने छन् ।

कुल ८ लाख ४० हजार नगद पुरस्कार राशिको यो प्रतियोगिताका विजेताले १ लाख ४० हजार रुपैयाँ प्राप्त गर्नेछ । दोस्रो र तेस्रोले क्रमश ९६ हजार र ७२ हजार नगद पुरस्कार प्राप्त गर्ने छन् । चौंथो र पाँचौंले क्रमशः ५९ हजार र ५० हजार हात पार्ने छन । साथै उत्कृष्ट २१ मा पर्न सफल अन्य गल्फरलाई नगद पुरस्कार दिइनेछ ।

आयोजकका अनुसार प्रतियोगिताको अन्तिम दिन शनिबार प्रो–एम प्रतियोगिता हुनेछ । सूर्य नेपाल गल्फ टुर–२०२३÷२४ अन्तर्गत कुल ८ प्रतियोगिता हुनेछन् । जसमा कुल ६५ लाख नगद पुरस्कार रहेको छ ।

डिफेन्डिङ च्याम्पियन नेपालका नं १ गल्फर शुक्रबहादुर राई र सुवास तामाङ भारतीय गल्फ टुरमा रहेकोले यो प्रयोगितामा उपस्थित हुने छैनन् ।

गत महिना धरानमा भएको सूर्य नेपाल इस्टर्न ओपनको उपाधि जितेर शुक्र भारतीय गल्फ टुरमा गएका हुन् । पूर्व नं १ एमेच्योर गल्फर सुवासले प्रोफेसनल गल्फ टुर अफ इन्डियाको क्वालिफाइङ स्कुलमा दोस्रो हुँदै भारतीय गल्फ टुर–२०२४ सिजनको लागि कार्ड प्राप्त गरेका हुन् ।

यो सिजनको दोस्रो प्रतियोगिता सूर्य नेपाल एनपिजिए म्याच प्लेका उपाधि विजेता दिनेश प्रजापतिसहित पूर्व नं १ खेलाडी भुवन नगरकोटी र रवि खड्का, जयराम श्रेष्ठ, नीरज तामाङ, सञ्जय लामा, धनबहादुर थापा दाबेदार खेलाडी हुन् । प्रतियोगितामा नेपाली राष्ट्रिय गल्फ टिमका एमेच्योर खेलाडी सद्भाव आचार्य पनि दाबेदारमध्येका एक हुन् । सद्भावले यो सिजनको पहिलो प्रतियोगिता सूर्य नेपाल सेन्ट्रल ओपनको उपाधि जितेका थिए ।

Related News

सम्बन्धित समाचार

  • तनहुँको फ्रेन्डसीप क्लबलाई फुटबल उपाधि

    आदर्श समाज सम्वाददाता वैशाख ७, २०८१
    लमजुङ । ‘सुखी गाउँ’ घलेगाउँमा नयाँ वर्ष अवसरमा सञ्चालित सातौं स्मार्ट भिलेज गोल्ड फुटबल कप उपाधि तनहुँको फ्रेन्डसीप क्लबले जितेको…
  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…

hero news full width