पोखरा । पोखरा–९, नयाँबजारस्थित नवप्रभात माध्यमिक विद्यालयको ५५ औं वार्षिकोत्सव, अभिभावक दिवस एवं पुरस्कार वितरण समारोह शनिबार सम्पन्न भयो । समारोह उद्घाटन गर्दै गण्डकी प्रदेश सभा सदस्य विन्दुकुमार थापाले आवश्यक परेको खण्डमा विद्यालयलाई सहयोग गर्न आफू तयार रहेको स्पष्ट पार्दै सबै मिली शैक्षिक गुणस्तर वृद्धि गर्न लाग्नुपर्ने जनाए । उनले विद्यालयको शैक्षिक एवं आर्थिक विकासका लागि ५१ हजारको अक्षयकोष घोषणा पनि गरे ।
वडाध्यक्ष दीपेन्द्र मर्सानीले गुणस्तरीय शिक्षाको पक्षमा वडा दृढ रहेको सुनाउँदै सामुदायिक विद्यालयको हक हितमा महानगर लागि परेको औंल्याए ।
पोखरा महानगर शिक्षा महाशाखा अधिकृत जीवनप्रसाद रेग्मीले नवप्रभातको शैक्षिक वातावरण राम्रो रहेको उल्लेख गर्दै आगामी वर्षमा विद्यालयमा विकास निर्माणका योजना सम्बोधन गर्ने प्रतिबद्धता जनाए ।
कार्यक्रमबीच जनप्रतिनिधि लक्ष्मी पहारीले २५ हजार ५ सय ५५, शुभचिन्तकद्वय मित्रलाल पौडेलले १० हजार ५ तथा भीम न्यौपानेले १३ हजार ५ सय ५० को अक्षयकोष स्थापना गरे ।
प्रधानाध्यापक मायाकुमारी थापाले विद्यालयको समग्र अवस्थाबारे प्रकाश पार्दै अभिभावक शिक्षा वृद्धिलगायत १ शिक्षक १ ल्यापटप कार्यक्रम सञ्चालनको तयारी गर्नुपर्ने बताइन् । उनले नवीनतम शैक्षिक प्रविधिमा जोड दिँदै अक्षयकोषदाता वृद्धि गर्ने, प्रतीक्षालय निर्माण गर्नुपर्नेलगायत भावी योजनाहरू सुनाइन् ।
त्यस अवसरमा शैक्षिक एवं अतिरिक्त क्रियाकलापतर्फका पुरस्कारहरू वितरण गरियो । एसइईमा उत्कृष्ट नतिजा ल्याउने विद्यार्थी लगायत १० अक्षयकोषदातालाई सम्मानसमेत गरियो । त्यस्तै विद्यार्थीलगायत शिक्षकले विभिन्न प्रस्तुति राखे ।
तहगतरुपमा शिक्षकहरू गौरीसरा गुरुङ (१–५), ढाकामोहन बराल (६–८), श्रवणकुमार शर्मा (९–१०) एवं विनप्रसाद पौडेल (११–१२) उत्कृष्ट घोषित हुँदै पुरस्कृत भए । विद्यालय अध्यक्ष प्रीति पाण्डेको अध्यक्षतामा भएको कार्यक्रममा सहायक प्रधानाध्यापक ढाकामोहन बरालले स्वागत तथा शिक्षक विनप्रसाद पौडेलले कार्यक्रम सञ्चालन गरेका थिए ।
कक्षा १२ सम्म संचालित विद्यालयमा हाल कुल ३ सय ७ विद्यार्थी अध्ययरत छन् ।जसअन्र्तगत कक्षा ११, १२ तर्फ कानुन एवम् व्यवस्थापन विषयको पठनपाठन हुने गर्दछ ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१