‘सृजनाका लता पुष्प’ विमोचन

आदर्श समाज सम्वाददाता
माघ २८, २०८०
Gangasagar newss

पोखरा । दयासागर पराजुलीद्वारा रचित ‘सृजनाका लता पुष्प’ कविता संग्रह लोकार्पण गरिएको छ । पोखरा चिसाखोला वेद विद्याश्रममा संस्कृतिविद् नेपाल ऋषि प्राज्ञ डा. जगमान गुरुङ र निम्वार्क वैष्णव परिषद्का अध्यक्ष हरिशरण उपाध्यायबाट पुस्तक लोकार्पण गरियो

पोखरा–१८, ग्यारजाती घर भई हाल काठमाडौं निवासी दयासागर पराजुलीले आफ्ना पिता/माता पं. चिन्तामणि/नन्दकली तथा मामा/माइजू अग्निहोत्री पं. केदारनाथ/दीव्यश्वरी उपाध्याय तिमिल्सिनाको स्मृतिमा पोखरा चिसाखोला वेद विद्याश्रम सञ्चालन एवं आवासीय विद्यार्थीको भोजनका लागि अक्षयकोष स्थापना गरेका छन् । उनले ५ लाख ५५ हजार ५ सय ५५ को अक्षयकोष स्थापना गरी वेद विद्याश्रमका संरक्षक मोक्षनाथ तिमिल्सिनालाई हस्तान्तरण गरे ।

कार्यक्रममा नेपाल ऋषि प्राज्ञ डा. जगमान गुरुङले वेद विद्याश्रमको यज्ञशाला, गाईसेवा र वेदको पठनपाठन नेपालकै उत्कृष्ट रहेको र विश्व शान्तिको कामनाका लागि हवनको अपरिहार्य रहेकोले आफ्नो धर्म, संस्कार, संस्कृति भुल्न नहुने बताए ।

विशिष्ट प्रमुख अतिथि प्रा.हरिशरण उपाध्यायले आफू देवघाटबाट आएर यो आश्रमको सञ्चालन तथा पठनपाठन हेर्दा ९६ वर्षसम्मको अनुभवमा ऋषिकुल आश्रम जस्तो अनुशासित देखेर हर्षित भएको बताए ।

पूर्व कर्मचारी सेवा परिषद्, कास्कीको आयोजना तथा पोखरा चिसाखोला वेद विद्याश्रमको सह आयोजनामा भएको कार्यक्रमको सभापति परिषद्का अध्यक्ष नरहरि बरालले गरेका थिए । प्राडा जगन्नाथ रेग्मीले कृतिको समीक्षा, सह प्राडा भोलानारायण रेग्मीले कृतिको परिचर्चा, सह प्रा.कपिलदेव भट्टराईले सम्पादकीय मन्तव्य, वेद विद्याश्रमका प्रमुख संरक्षक मोक्षनाथ तिमिल्सिनाको स्वागत मन्तव्य रहेको कार्यक्रमको संचालन संयोग बस्यालले गरेका थिए ।

Related News

सम्बन्धित समाचार

hero news full width