लमजुङ । लमजुङको सुन्दरबजारस्थित कृषि र पशु विज्ञान अध्ययन संस्थान (लमजुङ क्याम्पस) मा विद्यार्थीहरूको दुई समूहका बीच झडप भए हुँदा ११ जना घाइते भएका छन् । क्याम्पसमा अध्ययनरत नेपाल विद्यार्थी संघ र अनेरास्ववियुसम्बद्ध विद्यार्थीहरू बीच झडप हुँदा चार जना गम्भिर घाइते भएको प्रहरी भनाइ छ । घट्नामा टाउकाको पछाडि भागमा चोट लागि घाइते भएका निमित्त क्याम्पस प्रमुख खनाल पनि थप उपचार गर्न आइतबार विहान पोखरा प्रस्थान गरेका छन् ।
सो झडपमा क्याम्पसका निमित्त प्रमुख अमित खनालसहित ११ जना विद्यार्थीहरू घाइते भएको क्याम्पस प्रशासनले जनाएको छ । उनीहरूमध्ये गम्भीर घाइते भएका ४ जनामध्ये थप उपचारका लागि दुई जना पोखरा र दुई चितवन पठाइएको छ । अन्य घाइतेहरूको सुन्दरबजारस्थित नमुना सामुदायिक अस्पतालमा उपचारपछि फर्किएका छन् ।
घाइतेहरू विराज सुवेदी र टिकाराम ढकाललाई चितवन र मदन रिमाल र वेदान्त घिमिरे २ जनालाई पोखरा पठाइएको हो ।
क्याम्पसमा विद्यार्थीहरू बीच हानाहान भएको निमित्त क्याम्पस प्रमुख खनालले बताए । उनका अनुसार त्यस क्रममा विद्यार्थीहरूले फलामे रड र क्रिकेटको व्याट लगायतले एक अर्कालाई प्रहार गरेका थिए ।
अन्य घाइते विद्यार्थी ७ जना स्थानीय कर्मदा हस्पिटलमा सामान्य उपचार गरी हिजै डिस्चार्ज भएका छन् ।
नमुना सामुदायिक अस्पतालमा उपचारका लागि आएका दुई जनालाई रिफर गरिएको सो अस्पतालका प्रमुख हेमन्त श्रेष्ठले बताए । उनका अनुसार दुई जनाले ठूलो ठाउँमा जान्छु भने र गए । उनले भने, ‘हाम्रो अस्पतालबाट लिखित रुपमा रिफर भएको दुईजना मात्र हो ।’
नेविसंघ र अनेरास्ववियुमा विभाजित विद्यार्थीहरू बीच विद्यार्थी भर्नाका विषयमा विवाद हुँदा झडप भएको भएको बताइएको छ । सो क्याम्पसमा आउँदो फागुन ८ गतेदेखि बीएसएजीको कक्षा सञ्चालन हुने कार्यक्रम छ । त्यही विषयलाई लिएर दुई विद्यार्थी संगठनबीच विवाद उत्पन्न भएको बताइन्छ ।
क्याम्पसमा भर्ना हुन आएका नयाँ विद्यार्थी महेश साउदलाई अखिल विद्यार्थी संगठनले तनहुँको डुम्रेबाट नै कब्जा गरी लिएर आएको र नेबिसंघका विद्यार्थीहरूसगँ भेटघाट समेत गर्न नदिएको भन्दै झडपको स्थिति सिर्जना भएको प्रहरीले जनाएको छ ।
घटनापछि क्याम्पसले एक सूचना जारी गरी अनिश्चित कालका लागि छात्राबास खाली गराइएको छ । त्यहाँ सुरक्षाका लागि सशस्त्र र नेपाल प्रहरी खटाइएको छ ।
क्याम्पसको पठन पाठन पनि स्थगित गरिएको जनाइएको छ ।
घट्नाको खबर आएसँगै क्याम्पसमा प्रहरी पुगेको त्यसपछि ऐलेसम्मको अवस्था सामान्य रहेको जिल्ला प्रहरी प्रमुख प्रहरी नायव उपरीक्षक मिनबहादुर घलेले बताउनु भयो ।
उक्त क्याम्पसमा यसरी नेविसंघ र अखिलका बीचमा झडप भएको यो पहिलो घट्ना भने होइन । प्रायः हरेक वर्ष त कहिलेकाहीँ वर्षमा दुई तीन पटक पनि झडप हुने र हप्तौंसम्म क्याम्पस बन्द हुने विगत साक्षी छ ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१