पोखरा । अनुसन्धान व्यवस्थापन समिति, कन्या क्याम्पसको आयोजनामा भएको २दिने कार्यशाला गोष्ठी शनिबार समापन भएको छ ।

यही माघ ५ र ६ गते सञ्चालन भएको गोष्ठीका सहभागीहरुले थप प्रस्तुतिको माग गरेकोले गोष्ठी एकदिन थप गरिएको अनुसन्धान व्यवस्थापन समितिका निवर्तमान संयोजक भूमिराज बस्ताकोटीले बताए ।

गोष्ठीको सहजीकरण गर्दै पृथ्वीनारायण क्याम्पस, अंग्रेजी शिक्षा विभागका सदस्य मदनप्रसाद बरालले प्राज्ञिक लेखन र अनुसन्धानमूलक लेख लेखनका लागि प्राध्यापकहरु श्वेता गुप्ता, अर्चना यादव, इन्द्रकमल मानन्धरले पेस गरेको अनुसन्धान अवधारणालाई मुर्तरुप दिन आवश्यक मार्गदर्शन र पृष्ठपोषण प्रदान गरेका थिए ।

पृथ्वीनारायण क्याम्पस र कन्या क्याम्पसका करिब ३० जना प्राध्यापक सहभागी कार्यक्रमको सभापतित्व क्याम्पस प्रमुख सुरेशकुमार मानन्धरले गरेका थिए ।

पृथ्वीनारायण क्याम्पसका उपप्राध्यापकद्वय दीपेन्द्रराज रेग्मी र अमिन पालिखेले कार्यक्रम प्रभावकारी रहेको बताए । कार्यक्रमको सञ्चालन अनुसन्धान व्यवस्थापन समितिका संयोजक भूमिराज पण्डितले गरेका थिए ।