पोखरा । पुँडीका नरबहादुर पुन पोखरा महानगरपालिकाको फोहोर फाल्ने ल्यान्डफिल साइट निर्माणका लागि जग्गा छनोट गरेकोमा असन्तुष्ट छन् । महानगरले पोखरा ३३ पुँडीको झाँक्री खोला देब्रेवरमा प्रशोधन केन्द्र निर्माण गर्ने निर्णय गरेको छ । त्यसकै लागि ९६ रोपनी सरकारले नै रोक्का राखेको १ वर्ष पुग्यो । अन्तर्राष्ट्रिय विमानस्थल सञ्चालनमा आएपछि बाच्छेबुडुवाको ल्यान्डफिल बन्द गरेर फोहोर जति लामेआहाल लगिएको छ । ७ महिनामा प्रशोधन केन्द्र निर्माण गरेर स्थानान्तरण गर्ने दाबी गरिए पनि १५ महिना अझै थप गरिएको छ । पुँडी क्षेत्रका नागरिकले फोहोर आफ्नो वडामा ल्याउन नदिन पटक पटक आन्दोलित भए ।
एकातिर स्थानीयको अवरोध छ भने अर्कोतिर जग्गाको मुआब्जा टुंगिएको छैन । रोक्का जग्गा ६ देखि १० लाख रुपैयाँ प्रतिरोपनी खरिद गर्नुपर्ने उनीहरूको माग छ । मुआब्जा निर्धारण समितिले चलनचल्तीको रकम दिन नसक्ने बताएको छ । विवाद नमिलेपछि असोजदेखि बैठक नै बसेको छैन । स्थानीय रकम जति दिए पनि ल्यान्डफिल बन्न नदिने दाबी गर्छन् । पुनले ९९ प्रतिशत स्थानीयहरू ल्यान्डफिलको विपक्षमा रहेको बताए ।
‘ल्यान्डफिल साइट भनेको फोहोर फाल्ने ठाउँ हो । फोहोरलाई फोहोर नै भनिन्छ । फोहोरलाई सुन भनेर हुँदैन,’ वडाको सार्वजनिक सुनुवाइमा उनी भन्छन्, ‘हस्ताक्षर उठाए पनि ९९ प्रतिशतले फोहोर ल्याउन हुँदैन भन्ने माग छ । सुनको बाटो बनाएर फोहोर ल्याए पनि हामी स्वीकार्दैनौं ।’ जवाफमा वडाध्यक्ष रामचन्द्र अधिकारीले झाँक्रीखोलामा बन्न लागेको ल्यान्डफिल नभई प्रशोधन केन्द्र भएकाले विरोध गर्नुपर्ने अवस्था नरहेको बताए । महानगरले उनकै संयोजकत्वमा फोहोर व्यवस्थापन गर्न समिति गठन गरेको छ । उनले जग्गाको मुआब्जा तत्कालै टुंगाउनुपर्ने बताएका छन् ।
‘प्रशोधन केन्द्र भनेर अगाडि बढाइएको हो । यो ल्यान्डफिल साइट होइन । ल्यान्डफिल साइट बनाइयो भने पहिलो विरोध मै गर्छु,’ उनले भने, ‘बरु राज्यका कारण जग्गाधनीहरू अन्यायमा पर्नुभएको छ । वर्षौँ बित्यो, जग्गा धनीको जग्गा रोक्का छ । जग्गा वर्षौंसम्म रोकेर मुआब्जा नदिनु गलत हो । गर्ने हो भने गरिहालौं, नभए जग्गा फिर्ता गर्नुपर्छ ।’ उनले काठमाडौंको बञ्चरे डाँडाको जस्तो समस्या पोखरामा नआउने बताए । कार्यक्रमका सहभागीले वडाले घाटगद्दी व्यवस्थापन गर्न नसकेको, योजनामा गुणस्तर नभएको लगायत गुनासो गरे ।
जग्गाको मुआब्जा छिटो टुंगाउन वडाध्यक्ष रामचन्द्र अधिकारीको सुझाव
स्थानीय विष्णुप्रसाद भण्डारीले सरोकारवालाले समयमा अनुगमन नगर्दा योजनाको गुणस्तर कमजोर भएको आरोप लगाए । ‘बाँसपानी खानेपानी योजनामा कसैले निरीक्षण गरेनन् । त्यसै काम सकियो । ११ महिना ७ दिनको दिनमा टंकी चुहियो । अब यसलाई भत्काएर बनाउने कि टाल्ने ?,’ उनले भने, ‘योजनाहरूमा अनुगमन हुँदैन किन ? अनुगमन सकिएपछि हुन्छ । गुणस्तर हेरिएको छैन । वडाको ध्यानाकर्षण हुनु जरुरी छ ।’
वडाका प्राविधिक अनिलप्रसाद आचार्यले उक्त योजना महानगर र वडाको नभएको बताए । ‘सबै योजना हेर्न हामीसँग समय छैन । त्यो माथिल्लो सरकारको योजना हो । सकेसम्म हेरे हुन्थ्यो तर हामीसँग पर्याप्त जनशक्ति छैनन्,’ उनले भने, ‘अरु पालिकाका योजनामा मिहिन ढंगले अनुगमन गरिएको छ । गुणस्तर पनि राम्रै छ ।’
उनीहरूले बाँदरको समस्या पनि उठाए । भानुभक्त लामिछानेले गाउँगाउँमा सडक पुगे पनि यातायातको सुविधा राम्रो नभएको गुनासो गरे । ‘बिहान साढे ८ बजे चवादीबाट हिंडेको हो । ३ वटा गाडी फेरेर सवा १२ बजे यहाँ आइपुगें,’ उनले भने, ‘तल्लो पुँडी र चवादी जोड्ने बाटो छिटो निर्माण हुनुप¥यो ।’
कार्यक्रमका सहभागीले योजना छनोटमा पक्षपात भएको, वडा कार्यालयको भवन निर्माण सुरु नभएको, बिउबिजन गुणस्तरहीन वितरण गरेको, टोलको सुरक्षाका लागि सिसिक्यामेरा र सडक बत्ती राख्नुपर्ने, अपुरा सडक छिटो पूरा गर्नुपर्नेलगायत गुनासो सुनाए ।
वडाध्यक्ष अधिकारीले यो वर्ष वडा कार्यालयको डिपिआर तयार हुने र अर्को वर्षदेखि निर्माण थाल्ने प्रतिबद्धता जनाए । उनले अपुरा बाटोहरूको निर्माणमा वडाको ध्यान पुगेको बताए । सडक बत्ती र सिसी क्यामरा पनि यही वर्षदेखि राख्न थाल्ने उनको भनाइ छ । कार्यक्रममा वडाको अर्धवार्षिक प्रगति प्रतिवेदन सचिव युवराज पौडेलले प्रस्तुत गरे भने नागरिकका सवालहरू पोखरा महानगरका गुनासो सुन्ने अधिकारी लोकदर्शन कोइराला, कृषि सञ्चालका अध्यक्ष चेतबहादुर महतलगायतले जवाफ दिएका थिए ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१